Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Denoncimi i nënës për kopshtin privat “Topshti”: Fëmijën ma mbajnë me forcë në krevat

Politiko 1 Prill 2025, 21:17

Denoncimi i nënës për kopshtin privat “Topshti”:

Emisioni Fiks Fare ka trajtuar mbrëmjen e sotme, shqetësimin e një nëne, e cila ankohet për mënyrën se si trajtohet fëmija i saj 2 vjeç e gjysmë në çerdhen dhe kopshtin privat “Topshti”.

Ajo e sinjalizuar nga një prind tjetër pretendon se fëmija është mbajtur për orë të tëra në krevat pa marrë pjesë në aktivitete me fëmijët e tjerë. Ky fakt, sipas saj, u konfirmua pasi pa pamjet e kamerave të sigurisë në institucion. Fëmija i saj mbahej në krevat pa marrë pjesë në aktivitete më fëmijët e tjerë, por vetëm duke i parë nga krevati ku lihej i shtrirë. Arsyeja e dhënë nga kopshti ishte se fëmija mund të lëndohej. Nëna gjatë kqyrjes së kamerave ka vënë re edhe një fëmijë tjetër që mbahej në karrocë për orë të tëra, kjo iu argumentua nga kopshti se mbahej i tillë pasi kafshonte fëmijët e tjerë.

Gazetarë e Fiks Fare kërkuan një informacion nga drejtoresha e kopshtit, Afërdita Rada, e cila në intervistë dha deklarata është kontradiktore. Fillimisht, ajo tha se fëmija është mbajtur në krevat sepse kishte ngacmuar një fëmijë tjetë. Më pas doli me versionin se kjo situatë ndodhte vetëm për pak minuta, kur ndërronin fëmijët e tjerë.
Ajo pranoi se nuk kanë mbajtur procesverbale për raste të tilla, por premtoi se do ta bënte në vazhdim.
Sa i përket licencës, në ambientet e institucionit ishte e afishuar vetëm një licencë për kopsht nga Ministria e Arsimit, ndërsa kur u pyet për çerdhen ajo reagoi ashpër, duke thënë se nuk kishte më kohë për gazetarët. “Tani nuk përgjigjem se kam një takim tjetër”, tha Rada.

Pas këtij rasti, gazetarët e Fiks Fare nisën një investigim mbi situatën e çerdheve private në Tiranë. Ata kontaktuan disa kopshte private për të regjistruar fëmijë nën moshën 3 vjeç dhe zbuluan se shumica e këtyre institucioneve ofronin shërbime edhe për këtë grupmoshë, duke operuar si çerdhe. Në të gjitha rastet, edukatorët dhe administratorët e kopshteve diskutonin vetëm për tarifat dhe mundësitë e regjistrimit, pa përmendur ndonjë licencë specifike për çerdhen.

Gazetarët iu drejtuan institucioneve përgjegjëse për të kuptuar më shumë mbi licencimin dhe kontrollin e çerdheve private në Shqipëri. Bashkia e Tiranës, përmes Drejtorisë së Çerdheve dhe Kopshteve, deklaroi se nuk ka asnjë kompetencë mbi çerdhet dhe kopshtet private, duke mbuluar vetëm ato shtetërore.

Zyra Vendore Arsimore Tiranë konfirmoi se disponon një listë të kopshteve private, por jo të çerdheve.
Nga Agjencia Kombëtare e Arsimit Parauniversitar, gazetarët mësuan se ky institucion inspekton vetëm arsimin parashkollor duke filluar nga mosha 3 vjeç (kopsht), ndërsa për çerdhet private nuk ka asnjë përgjegjësi. Sipas tyre, licencat për kopshte i jep Ministria e Arsimit, por në faqen zyrtare të kësaj ministrie figuron vetëm një listë e kopshteve private, pa përfshirë çerdhet.

Në asnjë institucion shtetëror nuk ekziston një listë zyrtare e çerdheve private që operojnë në Shqipëri. Kjo do të thotë se:

• Asnjë çerdhe private nuk është e licencuar nga shteti.
• Nuk ka inspektime për mënyrën se si trajtohen fëmijët në këto institucione.
• Prindërit nuk kanë një organ shtetëror ku të ankohen nëse hasin probleme./ TCH