Flash News

E-TJERA

Ambasadori gjerman komenton rritjen e pagave për deputetët: Çështje delikate, qeveria të shohë sektorin publik

Ambasadori gjerman komenton rritjen e pagave për deputetët:

Ambasadori gjerman në Tiranë, Peter Zingraf nuk ka pranuar të komentoj projektligjin e qeverisë për rritjen e pagave të deputetëve.

Teksa foli krah drejtorit ekzekutiv të DIHA-s, Zingraf tha se paga e deputetëve është një çështje delicate që iu takon atyre ta vendosin për buxhetin.

Zingraf vuri në dukje se Shqipëria ka nivelin më të ulët të pagave në rajon, ndaj duhet të shihet se si do të ndikojë rritja e pagave në shoqëri.

“Pagesa e parlamentarëve është një çështje delikate me këto karakteristika. Kush i ruan ata që ruajnë? Deputetët janë ata që vendosin për buxhetin, ndaj nuk dua të përzihem më një pyetje të tillë. Mendoj se deputetët e parlamentit të paguhen në mënyrë dinjitoze, si çdo parlamentar, që duhet të kryejnë një punë të mirë. E rëndësishme ama është dhe niveli i përgjithshëm i pagave. Qeveria shqiptare planifikon që të rrisë pagat në sektorin publik. Kjo lidhet dhe me debatin e emigracionit. Shqipëria duke pasur parasysh dhe rajonin, ka nivelin e pagave më të ulta në rajon. Pyetja konkrete diskutohet në mënyrë kontroverse në shoqëri të ndryshme, por debati i rëndësishëm në shoqërinë shqiptare është se sa ndikojnë te shoqëria”, tha ambasadori.

Të fundit