Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"Deputetët raportojnë teksa udhëtojnë me makinë", ISP publikon raportin: Praktika të tilla duhet të marrin fund!

Politiko 13 Tetor 2020, 11:31

"Deputetët raportojnë teksa udhëtojnë me

Instituti i Studimeve Politike ka publikuar një raport lidhur me mbledhjet online që kryhen në Kuvendin e Shqipërisë, teksa është evidentuar se janë thyer rregullat nga deputetët.

Shembulli konkret që është marrë në këtë raport është ai i Ilir Beqajt, i cili u lejua të votojnë dhe të marrin pjesë në diskutim ndërsa ndodhej në automjet duke udhëtuar.

Më tej ISP thekson të tilla situata, jo vetëm që janë në kundërshtim me Rregulloren dhe me Kodin Rrugor, por gjithashtu pamundësojnë debatin dhe vendimmarrjen efektive mbi ligjet.

"Praktika të tilla duhet të marrin fund! Kuvendi dhe pushteti legjislativ janë institucione më serioze sesa deputetët që mund të jenë edhe për arsye rastësore aty, ndaj meritojnë respekt, integritet e solemnitet edhe kur aktiviteti parlamentar bëhet rutinor për shkaqe jashtë tyre. ISP nxit konferencën e Kryetarëve dhe Byronë e Kuvendit ta trajtojnë këtë problematike anormale dhe ta kthejnë aktivitetin parlamentar në shinat formale të praktikave parlamentare evropiane", thuhet veç të tjerave në raport.

Raporti i plotë i ISP:

Kuvendi i Shqipërisë ishte nga institucionet e para që aplikoi punimet online edhe gjatë periudhës së emergjencës së COVID-19. Kjo meritë vlerësohet dhe Instituti i Studimeve Politike e ka bërë këtë në disa raportime të tij. Nga ana tjetër, disa raporte, deklarime, sugjerime dhe rekomandime i kanë kërkuar Kuvendit të përmirësojë standardin e punës dhe t’i japë integritet aktivitetit parlamentar duke filluar nga gjëra minore, siç janë detyrimi që deputetët të marrin pjesë në mbledhjet online nga mjediset e Kuvendit, të zyrave apo të ambienteve të tjera të përshtatshme që mundësojnë shqyrtimin, diskutimin dhe vendimmarrjen serioze të akteve parlamentare.

ISP në dy raste shprehu kritika që deputetët u lejuan të votojnë dhe të marrin pjesë në diskutim ndërsa ndodheshin në automjete në udhëtim, – një situatë që jo vetëm vjen në kundërshtim me Rregulloren dhe me Kodin Rrugor, por edhe pamundëson de facto debatin dhe vendimmarrjen efektive mbi ligjet. Kuvendi ende nuk ka ndërmarrë asnjë masë përmirësuese në këtë drejtim.

Ja një rast tipik: në një mbledhje të rëndësishme të muajit tetor 2020 të Komisionit parlamentar mbi veprimtarinë prodhuese deputeti Ilir Beqaj merr pjesë aktive në debat duke qenë në zyrë (minuta e 12.49) dhe më pas del nga zyra, hip në makinë dhe vijon të marrë pjesë aktive në debat ndërsa udhëton në makinë (minuta 58.28) e videos së komisionit. Edhe në rastin konkret deputeti vijon nga makina të komentojë nene dhe të japë sugjerime, duke supozuar se e ka ligjin në dorë dhe po punon me të, ndërsa kolegët në komision dhe ekspertët e thirrur i komentojnë sugjerimet e tij!

Sesi mund të ndiqet një debat parlamentar duke dalë nga zyra drejt makinës dhe duke udhëtuar me makinë, sesi mund të diskutohet mbi nene e vendime që prekin interesa të mëdha qytetare, sesi mund të ushtrohet pushteti legjislativ në forma të tilla, vetëm modele parlamentare si këto mund të na thonë! Asnjë parlament tjetër në Evropë nuk aplikon standarde të tilla kaq minimale dhe kaq devijuese nga solemniteti dhe integriteti i aktivitetit dhe vendimmarrjes parlamentare. Dhe kjo nuk është e vetmja, por rasti i tretë në dy javët e fundit nga deputetë të ndryshëm!

Praktika të tilla duhet të marrin fund! Kuvendi dhe pushteti legjislativ janë institucione më serioze sesa deputetët që mund të jenë edhe për arsye rastësore aty, ndaj meritojnë respekt, integritet e solemnitet edhe kur aktiviteti parlamentar bëhet rutinor për shkaqe jashtë tyre. ISP nxit konferencën e Kryetarëve dhe Byronë e Kuvendit ta trajtojnë këtë problematike anormale dhe ta kthejnë aktivitetin parlamentar në shinat formale të praktikave parlamentare evropiane.