Flash News

Lojëra fati online, arrestohet administratori i lokalit te "Rruga e Elbasanit"

11 Maji/ Berisha nxjerr të tjera prova: Edi Rama bleu votat me skemat në bujqësi

Skerdi Tase rrëfen në GJKKO vrasjen e Emiljano Ramazanit: U paguam 130 mijë euro

Kishte ardhur me pushime në Dhërmi me shoqërinë e tij, humb jetën 20-vjeçari nga Kosova

Sekuestrohen pasuritë e 53-vjeçarit në Tiranë (EMRI)

E-TJERA

'Deutsche Welle' jehonë protestës së opozitës: Mijëra protestues iu përgjigjen thirrjes së PD për largimin e Edi Ramës

Politiko 8 Tetor 2024, 17:38

'Deutsche Welle' jehonë protestës së opozitës:

'Deutsche Welle', ashtu si media të tjera të rëndësishme ndërkombëtare i kanë bërë jehonë protestës kombëtare e thirrur dje nga Partia Demokratike, bashkë me forcat e tjera opozitare në Tiranë. 

Në një video të publikuar në rrjetet sociale, DË ka përmbledhur në 75 sekonda momentet më pikante të protestës së mbrëmshme, e shoqëruar me komentin "Mijëra protestues iu përgjigjen thirrjes së Partisë Demokratike, duke kërkuar dorëheqjen e kryeministrit, Edi Rama dhe formimin e një qeverie teknike, që do ta çojë Shqipërinë në zgjedhjet parlamentare në pranverën e ardhshme". 

Në këtë përmbledhje shihen përplasjet që nisën në sheshin përpara Kryeministrisë kur protestuesit tentuan të thyenin kordonin e policisë që ruante godinën qeveritare, duke e goditur atë me molotov. Më pas kur turma e demonstruesve, të drejtuar nga anëtarë të kryesisë së Partisë Demokratikë dhe deputetë, shkon drejt Selisë së Partisë Socialiste, duke i vënë flakën posterit të kryeministrit Rama që qëndronte në hyrjen kryesore të godinës, si dhe portës së jashtme.

Nën akuzat për uzurpim të shtetit dhe drejtësisë nga ana e socialistëve, protestuesit demokratë iu drejtuan më pas godinës së Ministrisë së Brendshme dhe Bashkisë së Tiranës. Hedhja e sendeve të forta dhe molotovëve në drejtim të institucioneve shtetërore solli një përplasje të fortë mes opozitarëve dhe policisë së shtetit, teksa kjo e fundit u kundërpërgjigj me gaz lotsjellës dhe ujë me presion për t'i ndaluar dhe shpërndarë ata.

Po ashtu, një protestues tregon se ndihet i revoltuar me këtë qeveri dhe kërkon largimin e saj pasi fëmijët e tij janë të detyruar të punojnë jashtë Shqipërisë. 

 

Të fundit