Flash News

Plagosje me thikë në Korçë

Trump pezulloi fondet ndaj SPAK, reagon delegacioni i BE në Tiranë

Lezhë/ Gjendet i vdekur i riu në makinë, dyshimet e para

Institucionet nuk denoncojnë korrupsionin dhe krimin e organizuar

GJKKO dënon me 10 muaj burg "Rrumin e Shijakut"

E-TJERA

“Dhëndri i vëllait të Nasip Naços më nxori nga burgu", ish-ministri reagon pas dëshmisë së Nuredin Dumanit

Politiko 14 Janar 2025, 17:04

“Dhëndri i vëllait të Nasip Naços më nxori nga

Reagon ish-ministri i Drejtësisë Nasip Naço pas dëshmisë së Nuredin Dumanit, bashkëpunëtori i drejtësisë, i cili ka deklaruar se dhëndri i vëllait të ish-deputetit Naço, i cili në atë periudhë mbante postin e shefit të spitalit ka paguar një shumë prej 40 mijë eurosh për të siguruar lirimin e tij nga qelia, duke i siguruar kështu një dokument që vërtetonte probleme shëndetësore dhe për pasojë arriti të lirohej.

Naço ka hedhur poshtë akuzat dhe ka kërkuar që organet e drejtësisë të hetojnë seriozisht rastin.

"Jam njohur sot nga mediat ku përmendet emri im. Dua të theksoj se:

Distancohem nga çdo akuzë e bërë publike sot dhe ftoj organet e drejtësisë që të kryejnë një hetim të thelluar mbi këtë rast. Nëse akuzat vërtetohen, organet përkatëse duhet të marrin masa ligjore ndaj çdo personi të përfshirë në këtë çështje.
Roli i Ministrit të Drejtësisë, sipas legjislacionit në fuqi, është i kufizuar. Ministri:
– Nuk heton,

– Nuk ngre akuza,

– Nuk pushon çështje,

– Nuk jep vendime fajësie apo pafajësie.

Detyra e tij lidhet vetëm me dhënien e lejeve të veçanta për të dënuarit, bazuar në ligj.

Gjatë ushtrimit të detyrës sime si Ministër i Drejtësisë, nuk kam miratuar asnjë leje të veçantë për subjektin në fjalë.
Distancohem nga çdo mashtrim, i bërë nga kushdo, individualisht apo në bashkëpunim, për të dëmtuar integritetin tim. Akuzat publike të bëra sot nuk përputhen me faktet reale të ushtrimit të detyrës sime si Ministër.
Faleminderit!", shkruan Naço në rrjetet sociale. 

Të fundit