Flash News

Trump reagon pas diskutimeve SHBA-Ukrainë: Do të ftoj Zelenskyn sërish në Shtëpinë e Bardhë

“Ukraina gati për paqe”, Zelenskyy pranon propozimin e armëpushimit 30-ditor

Përfundon takimi SHBA-Ukrainë në Arabi, DASH njofton rikthimin e ndihmës së sigurisë për Kievin

Rina Rakipi, shqiptarja që u shpall finaliste për çmimin prestigjioz të sigurisë kibernetike në SHBA

Merret vendimi, ja sa vite burg dënohet Alqi Bllako

E-TJERA

Dhunë dhe "tap" në timon, AMP arreston dy efektivë

Politiko 10 Shkurt 2025, 13:05

Dhunë dhe "tap" në timon, AMP arreston dy efektivë

Agjencia e Mbikëqyrjes Policore (AMP) ka arrestuar dy punonjës të sigurisë shtetërore në Tiranë për akuzat e kryerjes së veprave penale.

I pari është punonjësi i Gardës, Inspektori E.I., i dyshuar për kryerjen e veprave penale "Kundërshtim i punonjësit që kryen një detyrë shtetërore ose një shërbim publik", "Kundërshtim i punonjësit të policisë" dhe "Veprime të dhunshme në aktivitete sportive".

Arrestimi u realizua pas hetimeve të kryera në bashkëpunim me Komisariatin e Policisë Nr.4 lidhur me ngjarjen e datës 09/02/2025, ku gjatë një ndeshje futbolli ka ndodhur përplasje e dhunshme mes tifozëve, duke shkaktuar dëmtime fizike për disa persona, përfshirë një punonjës të sigurisë dhe një efektiv policie.

Po ashtu, AMP ka arrestuar punonjësin e policisë M.L., pranë Komisariatit të Policisë Vorë, i dyshuar për "Drejtim të automjeteve në mënyrë të parregullt". Arrestimi i tij u bë pasi më 08/02/2025, në orën 19:00, në rrugën dytësore Marikaj - Vorë, ai shkaktoi një aksident automobilistik dhe rezultoi pozitiv në testin për alkool, me një masë prej 1.06mg/l.

Dy arrestimet janë pjesë e veprimeve të intensifikuara të Agjencisë së Mbikëqyrjes Policore për përmirësimin e rendit dhe sigurisë publike.

Të fundit