Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Dhunoi ish-vjehrrën dhe nipin e saj, më pas i vuri flakën banesës, arrestohet në Morinë një nga autorët

Politiko 30 Prill 2023, 09:39

Dhunoi ish-vjehrrën dhe nipin e saj, më pas i vuri flakën

Është vënë në pranga një nga autorët e ngjarjes së djeshme në fshatin Llakatund të Vlorës, ku dy persona dhunuan fizikisht të moshuarën 70-vjeçare, ish-vjehrra e njërit nga autorët, dhe nipin e saj 14-vjeçar dhe më pas tentuan t’i vrasin duke i vënë flakën banesës.

Policia njofton se është vënë në pranga në Morinë 42-vjeçari Gëzim Bacaj, i cili po tentonte të kalonte drejt Kosovës. Po ashtu është vënë në pranga edhe një 32-vjeçar nga Kosova që dyshohet se ka pasur dijeni për krimin.

Në kërkim është shpallur autori kryesor i dyshuar i ngjarjes H. B. 51 vjeç nga Kosova.

Njoftimi i plotë:

Kapet në Morinë një ditë pas ngjarjes së rëndë në fshatin Llakatund të Vlorës, një prej autorëve.

Shërbimet e Komisariatit të Policisë Vlorë, menjëherë pas marrjes së njoftimit se në fshatin Llakatund, Vlorë, dyshohet se për motive të dobëta, 2 shtetas kishin dhunuar fizikisht një 70-vjeçare dhe nipin e saj 14-vjeçar, dhe më pas kishin tentuar t’i vrisnin ata, duke i vënë zjarrin banesës ku këta 2 shtetas gjendeshin pa ndjenja, kanë organizuar punën për lokalizimin, kapjen dhe nxjerrjen përpara përgjegjësisë penale të autorëve të këtij rasti.

Falë veprimeve të shpejta operacionale të Policisë së Vlorës, si dhe koordinimit të informacionit dhe punës policore me shërbimet e PKK Morinë, u kap në Morinë, në tentativë për t’u larguar drejt Kosovës, njëri prej autorëve të dyshuar, shtetasi Gëzim Bacaj, 42 vjeç, banues në Kosovë. Gjithashtu për këtë rast, u vu në pranga shtetasi D. K., 32 vjeç, banues në Kosovë (shoqërues i shtetasit Gëzim Bacaj), i cili dyshohet se duke pasur dijeni për këtë krim, nuk e kallëzoi atë.

Në vijim të veprimeve procedurale, u shpall në kërkim autori i dyshuar kryesor i kësaj ngjarjeje, shtetasi H. B., 51 vjeç, banues në Kosovë. Vijon intensivisht puna për kapjen e tij.

Si rezultat i veprimeve hetimore paraprake, bazuar dhe në kallëzimet e shtetasve të dëmtuar, dyshohet se shtetasit H. B., në bashkëpunim me shtetasin Gëzim Bacaj kanë tentuar të vrasin shtetasen e moshuar dhe nipin e saj të mitur (ish-vjehrra dhe thjeshtri i shtetasit H. B.), duke i dhunuar ata dhe pasi i kanë lënë pa ndjenja, i kanë vënë qëllimisht zjarrin banesës ku ndodheshin këta 2 shtetas.

2 shtetasit e dëmtuar kanë mundur të dalin nga banesa që ishte duke u djegur dhe aktualisht ndodhen në spital, në kujdesin e mjekëve. Si pasojë e zjarrit është djegur banesa e shtetases së moshuar dhe është dëmtuar pjesërisht një banesë tjetër e pabanuar, aty pranë.

Materialet procedurale i kaluan Prokurorisë pranë Gjykatës së Rrethit Gjyqësor Vlorë, për veprime të mëtejshme, për veprat penale “Vrasja në rrethana të tjera cilësuese ndaj një të mituri dhe kundër dy ose më shumë personave”, mbetur në tentativë dhe “Shkatërrimi i pronës me zjarr”, të kryera në bashkëpunim, në ngarkim të shtetasve H. B. dhe Gëzim Bacaj, si dhe “Moskallëzimi i krimit”, në ngarkim të shtetasit D. K.