Flash News

Pazaret e Ramës për 11 majin: Më jepni votën, t’iu jap BE-në

Posta e mëngjesit/ Me 2 rreshta: Çfarë pati rëndësi dje në Shqipëri

Gjykata Speciale refuzon lirimin e Hashim Thaçit për të marrë pjesë në varrimin e babait

30 shtete bëhen bashkë për të dërguar trupa paqeruajtës në Ukrainë

Edi Rama e ka gojën plot me BE; por mos e hani

E-TJERA

Dhunuan gazetarin Gjergj Zefi, Prokuroria e Tiranës çon për gjykim Renato Bodurrin

Politiko 15 Shkurt 2025, 11:23

Dhunuan gazetarin Gjergj Zefi, Prokuroria e Tiranës çon për

Prokuroria e Tiranës ka përfunduar hetimet dhe ka dërguar për gjykim Renato Bodurrin, i cili akuzohet për dhunimin në grup të gazetarit Gjergj Zefi. Ngjarja ndodhi më 3 tetor 2023 në rrugën “Bardhok Biba” në Tiranë, ku gazetari u godit nga disa persona, duke pësuar dëmtime të rënda.

Sipas hetimeve, Bodurri akuzohet për veprën penale “Goditje për shkak të detyrës”, kryer në bashkëpunim me persona ende të paidentifikuar. Pamjet filmike dhe dëshmia e një banori, i cili pa disa persona duke goditur gazetarin me shkop dhe më pas duke u larguar me një makinë të zezë, ndihmuan në identifikimin e automjetit të përdorur nga autorët.

Zefi u paraqit në Spitalin e Traumës me plagë në kokë, krahë, buzën e poshtme dhe këmbë, ndërsa nuk kujtonte momentin e sulmit.

Nga hetimet rezulton se Renato Bodurri ka lidhje me grupet kriminale të dy vëllezërve Franc dhe Hajdar Çopja, si dhe me grupin e Suel Çelës. Ndërkohë, hetimet për identifikimin e personave të tjerë të përfshirë në këtë ngjarje vijojnë.

Të fundit