Flash News

Aksident te "Shkalla e Tujanit", kamioni përmbyset në mes të rrugës, plagoset shoferi

By pass-i i Vlorës, zvarritje punimesh dhe rritje kostosh

Milan pritet të heqë dorë nga transferimi i Granit Xhakës

Inceneratori jashtë funksionit, përfshihet nga flakët fusha e mbetjeve në Elbasan

Aksident në aksin Lezhë-Shëngjin, një i plagosur

E-TJERA

Dita Ndërkombëtare e Arsimit e gjen ‘Arsimin të ngrirë’, ngrohja mbetet ‘peng’ e teknologjisë

Politiko 24 Janar 2022, 11:32

Dita Ndërkombëtare e Arsimit e gjen ‘Arsimin të

24 Janari shënon Ditën Ndërkombëtare të Arsimit. Në një situatë të pazakontë dhe të beftë, kjo ditë e ka gjetur Arsimin në Shqipëri ‘të ngrirë’ dhe ‘të mpirë’ nga mungesa e sistemit të ngrohjes nëpër shkolla e gjimnaze.

24 janari është shënuar në kalendar si Dita Ndërkombëtare e Arsimit, për “rolin që luan arsimi për paqen dhe zhvillimin global”, si edhe “që të tërheq vëmendjen e qeverive dhe popujve për rolin dhe rëndësinë që luan arsimi si njëri ndër mjetet më të përshtatshme për të shpëtuar nga varfëria”.

Por, ndryshe ndodh në vendin tonë, ku arsimi është kushtëzuar të modernizohet pa plotësuar as kushtet minimale.

Ministrja e Arsimit, Evis Kushi, njoftoi mbylljen e shkollave për tre ditë (përkatësisht në datat 24-25-26 janar) për shkak të kushteve të vështira atmosferike dhe temperaturave të ulëta që prej ditësh kanë paralizuar thuajse çdo rajon të vendit.

E megjithatë, kur vëmendja duhej të ishte garantimi i kushteve minimale për një proces mësimor të denjë, qeveria është shpërqendruar nga ‘mania’ për të ushqyer fëmijët me teknologjitë moderne.

Prioritet i qeverisë për arsimin edhe këtë vit mbeti transporti i fëmijëve, të cilët duhet të udhëtojnë  në distanca të largëta nga banesa e tyre. Një ‘stimul' të veçantë kryeministri Rama u shpreh se do t’i jepte mbushjes së boshllëqeve, ku nxënësit i ofrohet mundësia për artet dhe zejet, e këtu mori parasysh sërish teknologjinë. Pra, zeje të një dimensioni te ri teknologjik.

Në serinë e prioriteteve, nuk u pa dhe u dëgjua askund sistemi i ngrohjes në shkolla. Nëse qeveria iu kishte garantuar ngrohje totale institucioneve arsimore, dhe për këtë nuk e rendit si prioritet të vitit 2022, pyetja shtrohet: Pse sot shkollat qëndrojnë kyçur si shkak i të ftohtit?.

Pavarësisht akuzave të hedhura për dështim, qeveria nuk ka bërë asnjë reagim, Madje as vetë ministrja e Arsimit. I vetmi reagim ‘ngushëllues’, ishte ai i djeshmi, ku ministrja i dha shansin njërit nga prindërve që punojnë në administratë, të qëndrojnë në shtëpi me fëmijët, “pa pasoja administrative dhe financiare”.

Të fundit