Flash News

Video/ Revoltë në burgun e Korfuzit, shqiptarët dhe gjeorgjianët i vënë flakën qelive

Aksident te “Shkalla e Tujanit” në Tiranë, një makinë përmbyset pas përplasjes

KPA shkarkon nga detyra gjyqtaren e Tiranës, Ardiana Bera

Mos humbni fytyrën/ Pas 'kërcënimit të Ramës, kandidatët e PS tërheqin kërkesën nga KQZ

VIDEO/ Atentati në Durrës, momenti i vrasjes së 29-vjeçarit Ermir Dedja

E-TJERA

Ditëlindja që mungoi: Familja e Ilarias ngre memorial për të bijën në vendin ku u vra

Politiko 20 Maj 2025, 15:40

Ditëlindja që mungoi: Familja e Ilarias ngre memorial për të

Sot, studentja shqiptare Ilaria Sula do të kishte festuar ditëlindjen e saj të 23-të. Por në vend të festës, prindërit dhe të afërmit e saj janë mbledhur për të përkujtuar jetën e saj tragjikisht të ndërprerë. Në nder të ditëlindjes së saj, ata kanë inauguruar një memorial prekës në vendin ku u hodh trupi i pajetë i Ilarias, pas një krimi të rëndë që tronditi të gjithë opinionin publik.

Në këtë ceremoni të dhimbshme, prindërit e Ilarias, bashkë me të afërmit dhe përfaqësues të komunitetit, përfshirë edhe kryetarin e komunës së Capranica Prenestina, z. Francesco Colagrossi, ndanë momente reflektimi dhe kujtimi për të renë që humbi jetën si pasojë e një akti dhune brutale.

Babai i Ilarias, Flamur Sula, falënderoi publikisht të gjithë ata që kanë qenë pranë familjes së tij në këtë periudhë të vështirë.

“Faleminderit të gjithëve, Komunës dhe kryetarit të Capranica Prenestina për zemrën e madhe dhe për gjithçka që është bërë për vajzën time Ilaria,” u shpreh ai me emocione.
Në një dedikim prekës në rrjetet sociale, ai shkroi:

“Ke qenë dhurata ime më e bukur, gëzuar ditëlindjen princesha ime! Më mungon shumë.”
Familja dhe të pranishmit lëshuan tullumbace të bardha në qiell, një simbol i pafajësisë dhe kujtimit të përjetshëm për Ilariën.

Kryetari i komunës, z. Colagrossi, theksoi rëndësinë e memorialit si një vend reflektimi, dashurie dhe nderimi për jetën e humbur.

“Ky memorial, i vendosur në vendin ku u gjet trupi i saj, është një dëshmi e dashurisë së pafund të familjes së saj për të. Fotografia që na tregon Ilarianë buzëqeshur, plot jetë, në vitet më të bukura të jetës, është një kujtesë e asaj që u shua nga një dhunë e pabesueshme, e paarsyeshme dhe absurde.”
Ai gjithashtu bëri thirrje për ndërgjegjësim ndaj dhunës në marrëdhënie dhe nevojën për të mbrojtur të rinjtë nga një “dashuri e sëmurë dhe shkatërruese.”

Ceremonia u shënua nga një atmosferë e thellë emocionale, ku komuniteti shprehu solidaritet me dhimbjen e familjes Sula, duke e kthyer vendin e krimit në një hapësirë përkujtimore me mesazhe për dashurinë, jetën dhe kujdesin ndaj njëri-tjetrit.

Ditëlindja që mungoi: Familja e Ilarias ngre memorial për të

Të fundit