Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“Djalli fshihet në detaje”/ Kuvendi mbyll dyert për gazetarët, Çipa paralajmëron protesta

Politiko 8 Qershor 2021, 13:16

“Djalli fshihet në detaje”/ Kuvendi mbyll dyert për

Sipas ndryshimeve të fundit në Byronë e Kuvendit, gazetarët do t’i ndjekin aktivitet vetëm nëpërmjet rrjetit të transmetimit në një sallë të posaçme për gazetarët ç'ka pengon kontaktin e afërt me deputetët.

Kreu i Unionit të Gazetarëve të Pavarur, Aleksandër Çipa e sheh këtë urdhër të parlamentit si një mundësi e premisë për censurim. Ai bën me dije se Unioni i ka dërguar një shkresë zyrtare kryeparlamentarit Gramoz Ruçi për të njohur më në detaje në lidhje me arsyet e kësaj rregulloreje që penalizon mediat dhe gazetarët në misionin e tyre.

“Kjo rregullore shihet si mundësi e premisë për censurim e mohim i së drejtës për t’u informuar. Nëse masat preventive të jenë në të gjitha mjediset të tjera, mendoj se jashtë sallës duhet të kenë mundësinë e komunikimit gazetarët me çdo kënd, deputet”, tha Çipa në emisionin "Breaking"

Sipas tij, kjo nuk është një praktikë që ndiqet nga vendet botërore kryesisht.

“Nuk është një praktikë e tillë që ndiqet në vendet botërore. Ne nuk duam si gazetarë të privohemi nga mundësia e komunikimit fizik të gazetarëve me deputetët. Mënyra se si është realizuar transmetimi, është bashkëkohore, e njëjta ndodh në Parlamentin britanik, vetëm se aty lejohet se kur kërkohet mundësia e kontaktit me ligjbërësi të mos pengohet. Çështja e zgjidhjes së informacionit që duhet të marrë në mënyrë të pavarur dhe pa kufizime nga reporteri në komisionet parlamentare, sepse ne e dimë se djalli fshihet në detaje”, theksoi Çipa.

Ai bëri të ditur se për këtë rregullore të Parlamentit janë vënë në dijeni shoqatat ndërkombëtare të gazetarëve dhe parlajmëron protesta lidhur me këtë vendim.

"Ne do të kërkojmë amendimin e rregullores, si hap të parë, më pas ne parashikojmë dhe të protestojmë kundër kësaj rregullore. Ne duam që ky Kuvend, që adminsitrata është urdhëruar nga Byroja, duam një përgjigje zyrtare. Ne duam mënyrën konkrete e procedurën konkrete që po aplikohet" tha Çipa.

Të fundit