Flash News

SHBA tërhiqet nga negociatat e paqes midis Ukrainës dhe Rusisë

Shprehja e zv/Presidentit Vance shpërndarë nga Ambasada Amerikane: Ku e tha, në ç’kontekst, dhe si lidhet me Shqipërinë

Foto/ Gjysmë i zhveshur dhe i gjakosur, momenti kur shoqërohet autori i vrasjes në Shkodër

Vrasje në Shkodër, turisti vret me thikë gruan, qëllon edhe veten

Zgjedhjet e 11 majit/ Ambasadori i BE takim me Celibashin

E-TJERA

Do korruptonin gjyqtarin me 5 mijë euro, Apeli le në fuqi dënimin për avokatin Arben Lena

Politiko 18 Shkurt 2025, 14:04

Do korruptonin gjyqtarin me 5 mijë euro, Apeli le në fuqi dënimin

Gjykata e Posaçme e Apelit ka lënë në fuqi vendimin e GJKKO-së për çështjen e ish-kreut të Dhomës së Avokatisë së Korçës, Arben Lena, e cili së bashku me disa persona të tjerë tentuan të korruptonin një gjyqtar me 5 mijë euro.

Sipas Prokurorisë Speciale, Arben Lena ishte pjesë e grupit të 5 personave që tentuan të korruptonin me 5 mijë euro gjyqtarët e Apelit të Korçës për të liruar nga paraburgimi Bledar Koziçin, i arrestuar për trafikim refugjatësh, të cilin Lena e mbronte.

GJKKO e ka dënuar me burg avokatin Arben Lena dhe 5 persona të tjerë, të cilët janë shpallur fajtor për kryerjen e veprës penale “Ushtrimi i ndikimit të paligjshëm ndaj personave që ushtrojnë funksione publike” kryer në bashkëpunim.

Më konkretisht Arben Lena është dënuar me 3 vite burgim, por për shkak të gjykimit të shkurtuar dënimi i është ulur në 2 vite burgim.  Gjithashtu, atij i është hequr e drejta për të ushtruar profesionin për një periudhë kohore prej 3 vjetësh.

Nikolla Hafësllari është dënuar me 1 vit e 6 muaj burgim, por për shkak të gjykimit të shkurtuar dënimi i është ulur në 1 vit burgim.

Edhe Nikolla Jesku është dënuar me 1 vit e 6 muaj burgim, por për shkak të gjykimit të shkurtuar dënimi i është ulur në 1 vit burgim.

Dajana Kodra (Ninga) është dënuar me 2 vite burgim, por për shkak të gjykimit të shkurtuar dënimi i është ulur në 1 vit e 4 muaj burgim. Kësaj shtetase i është pezulluar dënimi duke e vene në provë për një periudhë kohe prej 2 vitesh dhe 8 muajsh, me kusht që gjatë kësaj kohe të mos kryeje vepër tjetër penale si dhe të mbajë kontakte të rregullta me Zyren e Shërbimit të Provës ku ka vëndbanimin e saj. Gjithashtu, asaj i ështël hequr e drejta për të ushtruar profesionin për një periudhë kohore prej 1 muaji.

Blerand Kozici është dënuar me 2 vite burgim, por për shkak të gjykimit të shkurtuar dënimi i është ulur në 1 vit e 4 muaj burgim.

Artiana Kozici është dënuar me 1 vit burgim, por për shkak të gjykimit të shkurtuar dënimi i është ulur në 8 muaj burgim. Kësaj shtetase i është pezulluar dënimi duke e vene në provë për një periudhë kohe prej 1 viti dhe 4 muajsh, me kusht që gjatë kësaj kohe të mos kryeje vepër tjetër penale si dhe të mbajë kontakte të rregullta me Zyren e Shërbimit të Provës ku ka vëndbanimin e saj.

Ndërkohë, Dritan Tabaku është shpallur i pafajshëm për kryerjen e veprës penale “Moskallëzimi i krimit”, pasi sipas gjykatës fakti nuk ekziston.

Të fundit