"Do na fusin në bodrum", Sekretari i Kuvendit takim me gazetarët: Etiketim i padrejtë, Parlamenti nuk censuron

Sot po zhvillohet takimi mes gazetarëve dhe Sekretarit të Përgjithshëm të Kuvendit, Genci Gjonçaj. Ftesa nga Kuvendi erdhi një ditë më parë. Gazetarët e kanë kundërshtuar vendimin e Kuvendit, që parashikon përjashtimin e tyre nga aktivitetet parlamentare. Gazetarët kërkojnë që Kuvendi të tërhiqet nga ky vendim.

Gjonçaj nuk është dakord me termin, "do na fusin në bodrum", duke e cilësuar etiketim të padrejtë. Ai iu tha Kuvendi nuk do të censurojë punën e medias, duke shtuar se planet dhe ajo çfarë do të transmetohet në media do të zgjidhet nga vetë gazetarët.

Gjonçaj e konsideroi në Facebook se dhoma ku do të qëndrojnë gazetarët, ka 13 kompjutera, ku ata mund të ndjekin mbledhjet e komisioneve. Ai tha se intervistat mund të zhvillohen në mjedise të tjera dhe se vendimi nuk cënon punën e gazetarëve

"Sistemi Ndryshimi ka të bëjë vetëm me krijimin e një dhome pune për gazetarët. Intervistat mund të zhvillohen edhe në ambiente të tjera të përcaktuara nga Kuvendi për intervista. Teknikisht gazetarët dhe publiku nuk pengohet nga informacioni.

Kuvendi nuk censuron, nuk përzgjedh asnjë pamje asnjë plan, nuk po instalojmë regji qendrore. Çdo gjë komandohet nga vetë gazetarët dhe janë ata që përzgjedhin se çfarë transmetojnë. Në neësroom e gazetarëve nuk ka dhe nuk do ketë regjisor për përzgjedhjen e planeve. Dhoma e mediave është një mjedis me 13 kompjuter të pajisur me kufje ku gazetarët mund të ndjekin audion, videon në kohë reale të komisioneve.

Po ashtu gjendet edhe një panel SDI ku media mund të marrë komisionet në kohë reale. Se kam dëgjuar 'do na fusin në bodrum', është në katin e parë të godinës dhe nuk ka lidhje me këtë etiketim të padrejtë që i bëhet këtij investimi të rëndësishëm.

Përzgjedhja e pamjeve nuk bëhet nga regjisor, pro automatikisht nga sistemi. Sistemi është për gazetarët dhe janë ata që komandojnë sistemin dhe jo sistemi gazetarët. Shoqërimi i gazetarëve nga garda ka të bëjë vetëm me sigurinë, një gjë që nuk është rishikuar, por që nuk përbën cenim të marrëdhënies me gazetarët e akredituar. I vetmi ndryshim në raport me rregulloren e mëparshme ka qenë specifikimi i punonjësve që do bëjnë shoqërimin", tha ai. 

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm