Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

“Do pi ujë çezme dhe do hedh video në TikTok”, Rama replika me Tabakun në Kuvend

Politiko 21 Prill 2022, 12:05

“Do pi ujë çezme dhe do hedh video në TikTok”, Rama

Deputetja demokrate Jorida Tabaku ngriti sot si shqetësim në Kuvend problemin e furnizimit me ujë të pijshëm në vend, si dhe rritjen e çmimit për këtë shërbim.

Tabaku deklaroi se uji i çezmave vijon të mos jetë i pijshëm, ndërsa shtoi se qeveria duhet të kërkojë ndjesë, në rast se nuk i mban premtimet.

“Asnjë nga ne këtu në parlament nuk e hap çezmën dhe të pijë nga çezma. Qeveria kur e kupton një gabim edhe mund të kërkojë ndjesë. Pritet edhe një rritje e re e çmimit të ujit në Tiranë. Para pak javësh u miratua edhe raporti i ERRU-së që tha se do të kemi një rritje në çmimin e ujit.

Në atë moment u tha që nuk do ketë më rritje të tjera. Të vish këtu dhe të thuash që nuk është rritur çmimi i ujit dhe nuk është rritur çmimi i energjisë kur në vitin 2013 e rritën çmimin e energjisë për 500 mijë familje. Sot vijnë dhe thonë, do prezantojmë një fazë tjetër”, deklaroi Tabaku.

Ndërkohë kryeministri Edi Rama i është përgjigjur Tabakut, deklaroi se me të shkuar në shtëpi do pijë ujë dhe videon do e hedhë në TikTok.

“Zonja foli për ujin e çezmës që askush nuk e pi. Sot me t’u kthyer në shtëpi do pi ujë nga çezma. Jam i gatshëm nëse zonja Tabaku më pret në shtëpinë e saj të shkoj edhe në shtëpinë e saj të pi ujë nga çezma. Do ta bëj video dhe ta hedh në TikTok.

Jam i bindur që ti me siguri e ke ndonjë vajzë a ndonjë djalë të vogël që ta mëson tik tokun si përdoret. Megjithatë nuk ia vlen fare të hyjmë në këto lloj debatesh se kush jemi ne dhe kush jeni ju”, tha Rama.

 

 

 

Të fundit