Flash News

Studimi: Ndërtimi i digave sjell pasoja të rënda ekologjike mbi burimin e Vjosës

Gjermania zgjat qëndrimin e trupave të saj në Kosovë

Policia greke bastis qelitë e shqiptarëve në Koridhalos, zbulohet arsenal dhe drogë te “bosi i mafies së burgjeve”

Ndahet nga jeta parakohe sopranoja e njohur e TKOB

Pezullohet lundrimi nga moti i keq në Vlorë

E-TJERA

Doganierët në grevë, ndalohet kalimi i mjeteve në pikat kufitare me Greqinë

Politiko 28 Shkurt 2025, 09:05

Doganierët në grevë, ndalohet kalimi i mjeteve në pikat

Qarkullimi i makinave nga Shqipëria në drejtim të Greqisë përmes tre pikave kufitare është pezulluar për sot, pasi doganierët do të zhvillojnë grevë.

Qarkullimi për mjetet është i ndaluar nga ora 07:00 të mëngjesit deri në orën 23:00 të mbrëmjes. Në këtë hark kohor asnjë makinë nuk do të lejohet të kalojë nga territori shqiptar drejt territorit grek përmes tre pikave kufitare, Kakavijës në Gjirokastër, Qafë Botës në Sarandë dhe Tre urat në Përmet.

Policia Kufitare e Janinës ka sqaruar se gjatë kësaj periudhe do të lejohen vetëm këmbësorët pa bagazhe dhe rastet emergjente.

Nisur nga kjo situatë, Policia Kufitare apelon për të gjithë qytetarët dhe drejtuesit e automjeteve që kanë planifikuar lëvizjen drejt Greqisë, të gjejnë alternativa të tjera për të udhëtuar dhe të shmangin grumbullimin në pikat kufitare të sipërpërmendura.

Greva e doganierëve vjen në kuadër të 2 vjetorit të përplasjes së dy trenave në Tempti, ku humbën jetë 51 persona, mes tyre edhe shqiptarë. Qytetarët grekë do të protestojnë në 200 qytete të Greqisë.

Të fundit