Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Bllokohet në Durrës peshkarexha me 80 mijë litra naftë kontrabandë, ekuipazhi fiku GPS për të humbur gjurmët

Politiko 23 Korrik 2022, 14:11

Bllokohet në Durrës peshkarexha me 80 mijë litra naftë

Tre persona janë shpallur në kërkim nga policia pasi kishin përshtatur, një depozitë në një peshkarexhë, për naftën e kontrabanduar, me qëllim shmangien e detyrimeve doganore, si dhe kishin ankoruar peshakrexhën pa njoftuar në ish-kantierin detar në Portin e Durrësit.

Sipas policisë, administratori, kapiteni dhe mekaniku i peshkarexhës dolën në det, pa njoftuar kapitenerinë dhe Policinë Kufitare, si dhe fikën GSP, me qëllim marrjen e 80.000 litra naftë nga peshkarexha.  

“Specialistët e Seksionit për Hetimin e Krimit Ekonomik dhe Financiar në DVP Durrës, në vijim të punës për parandalimin, evidentimin dhe goditjen e veprimtarisë kriminale në fushën e kontrabandës me mallra, bazuar dhe në informacionet e marra në rrugë operative, se në ish-kantierin detar në Portin e Durrësit, ishte ankoruar një peshkarexhë, me naftë të dyshuar të kontrabanduar, organizuan dhe finalizuan operacionin policor të koduar “Diesel”.

Në kuadër të këtij operacioni u shpallën në kërkim shtetasit:

– A. M., 38 vjeç, banues në Durrës, administrator i peshkarexhës;

– F. A., 65 vjeç, banues në Durrës, kapiteni i peshkarëxhës;

– N. Xh., 53 vjeç, banues në Durrës, mekaniku i peshkarexhës.

Në vijim të veprimeve u bë sekuestrimi i peshkarexhës dhe i sasisë së naftës të dyshuar të kontrabanduar”, njofton policia.

Nën drejtimin e Prokurorisë së Rrethit Gjyqësor Durrës po vijon puna për zbardhjen e plotë të kësaj veprimtarie të kundërligjshme, identifikimin dhe vënien para përgjegjesisë ligore të shtetasve të tjerë të përfshirë.

 

Të fundit