Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Doli në përgjimet e të arrestuarve në Gjykatën e Krujës, SPAK i sekuestron në shtëpi e zyrë mjekut Edvin Prifti 260 mijë euro e 160 mln lekë

Politiko 11 Shkurt 2021, 19:57

Doli në përgjimet e të arrestuarve në Gjykatën e

SPAK i sekuestron doktorit të njohur kardiolog, Edvin Prifti 260 mijë euro e 160 mln lekë.

Shuma e parave cash i është gjetur dhe sekuestruar mjekut ne banesën e tij dhe zyrë. Mësohet se Prifti përmendej në përgjimet që çuan në pranga grupin kriminal të Gjykatës së Krujës, konkretisht nga Manuela Mallkuçi.

Sekretarja e Gjykatës së Krujës Mallakuçi ka qenë nën përgjim pasi ishte përfshirë në lirimin e të dënuarit Saimir Petani. Në një prej shumë bisedave që ka kryer, Mallakuçi me Priftin ka qenë që t’i kryente një operacion jashtë radhe nënës së saj.

Pikërisht këtu janë ngritur dyshimet mbi mjekut, dhe pas hetimeve dhe kontrolleve në banesë e zyrë ka rezultuar se mjeku mbante cash miliona para dhe euro.

Mësohet se shuma prej 200 mijë eurosh dhe 130 milionë lekë të vjetra i janë gjetur mjekut në banesë kurse pjesa tjetër 50 mijë euro dhe 30 milionë lekë të vjetra i janë gjetur në zyrën e mjekut të QSUT.

Mjeku Prifti ra në ‘grackën’ e SPAK gjatë hetimeve për korrupsionin në gjykatën e Krujës. Pas hetimit, SPAK ndërsa kërkoi pezullimin nga detyra të mjekut dhe të 2 infermiereve.

Kujtojmë se sot, Gjyqtarja e Krujës Enkelejda Hoxha dhe 9 persona të tjerë janë vënë në pranga në një operacion të SPAK. Mes tyre, edhe sekretarja e Gjykatës Manuela Mallkuçi si dhe avokati Aldo Tabaku, të cilët sipas Prokurorisë kishin krijuar një skemë përfitimi monetar duke liruar ose lehtësuar dënimin e të dënuarve kundrejt pagesave që varionin nga 6 në 12 mijë Euro.

Mësohet se hetimet kishin nisur muaj më parë dhe kulmuan pasi gjyqtarja kishte pranuar të lironte nga qelia Saimir Petanin, i arrestuar për vrasje, i ekstraduar nga Italia disa vite më parë. Mes të arrestuarve është edhe vëllai i Petanit, Bledar Petani.

SPAK thotë se ka zbardhur edhe skemën e korrupsionit që niste nga avokati Aldo Tabaku i cili kishte krijuar kontakte me gjyqtaren Enkelejda Hoxha. Për të kaluar çështjet në dorën e Hoxhës kujdesej sekretarja e gjykatës e cila ndërhynte në short. Në këtë skemë ishte i përfshirë edhe eksperti i mjekësisë-ligjore Shkëlqim Korbi, që më pas paraqiste procesverbale sipas kërkesave të palëve.

Gjyqtarja Enkelejda Hoxha është vënë shpesh në qendër të polemikave për vendimet e marra ndër vite pasi ka liruar nga burgu emra të njohur të botës së krimit.

Përmendet lirimi me kusht i Indrit Dokles i njohur si anëtar i bandës së Durrësit, Genc Tafilit, Ilir Pajës apo edhe Hekuran Billës që më pas u ekzekutua në një atentat në Tiranë.