Flash News

Fuste dr*gë dhe sende të paligjshme në qeli, arrestohet polici i burgut të Drenovës

Lavrov: NATO po rrezikon vetëshkatërrimin me buxhetin e ri ushtarak

​Kurti e Vuçiç "përballen" nesër në Shkup

Bie nga skelat, humb jetën punëtori i ndërtimit në Berat

Prokuroria dërgon për gjykim dy zyrtarët e Bashkisë Korçë

E-TJERA

Dosja e Suel Çelës, Prençi: Janë të përfshirë dhe politikanë e prokurorë të SPAK

Politiko 3 Dhjetor 2024, 20:07

Dosja e Suel Çelës, Prençi: Janë të

Ish-drejtuesi i Policisë, Shemsi Prençi tha se në përgjimet e dekriptuara të aplikacionit “Sky Ecc” kanë dalë dhe politikanë dhe për këtë arsye ka veçime të fraksioneve të dosjes së Suel Çelës.

Sipas Prençit, të gjithë tenderat e pastrimit të qyteteve të qarkut të Ebasanit i jepeshin organizatës së Suel Çelës.

“Nuk besoj të jetë me 260 faqe. 260 janë për publikun dhe mediat, dosja ka më shumë faqe. Dosja e procedimit penal perceptohet ndryshe nga persona të ndryshëm. Fakti që SPAK e ka klasifikuar organizatë kriminale do të thotë që nuk është me më shumë se 260 faqe. Ka veçime të fraksioneve të dosjes ku ka dhe politikanë që kanë dalë në dekriptimin e platformës Sky, sipas meje.

Kreu i SPAK dhe personat që e kanë servirur para gazetarëve kanë thënë që kjo është një dosje që vazhdon. Nuk është 260 faqe se janë 21 urdhër arreste. Pritet që do të ketë vazhdimësi dhe goditje të personave të mbërthyer me pushtet, me korrupsion me nënshtrime të pashoqe në kuptimin e shfrytëzimit të shtetit, qeverisë dhe pushtetit vendor.

Që të mbijetojë një organizatë kriminale është e domosdoshme që ë ketë një mbështetje politike. Fakti që në Sky kanë dalë personalitet të larta të shtetit që kanë komunikuar. Kanë vënë në dispozicion, kanë ofruar favore për grupin e Suel Çelës. Çela nëpërmjet këtyre pushtetarëve ka garantuar emërime. Kjo organizatë ka një platformë të qartë të botës së krimit.

Në materialin e Prokurorisë ka materiale të tjera që flasin për vënien në dispozicion të organizatës së drejtuar nga Çela duke filluar nga gjykatës, prokurorë, policie, politikanë që i donin për vota. Ka kryetarë bashkish që jepnin tendera për pastrimin e qyteteve. Të gjitha bashkitë e rajonit të Elbasanit ia jepnin tenderit e pastrimit të qyteteve organizatës së Çelës pavarësisht se kush ishte biznesmeni. Rezulton që ishte ortak dhe vjehrri i një kryetari bashkie siç ishte ai në Berat.”

Prençi në MCN tha se në dosjen e Suel Çelës janë të përfshirë dhe prokurorë të SPAK.

“SPAK ka shkuar deri në brez në goditjen e personave të implikuar në këtë organizatë. Nuk është ngritur lart për të komunikuar akuzat për prokurorë të përfshirë, madje dhe për prokurorë të SPAK-ut.”

Të fundit