Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Dosja/ Si u favorizua Altin Ndoci para arratisjes? 5 shoqërime në spital të dyshuara për favore

Politiko 19 Janar 2026, 13:59

Dosja/ Si u favorizua Altin Ndoci para arratisjes? 5 shoqërime në

Detaje të reja kanë dalë nga hetimet për arratisjen e Altin Ndocit nga spitali i Durrësit, ngjarje e ndodhur rreth një javë më parë.

Sipas dosjes hetimore, rezulton se Ndocit i është mundësuar shoqërimi drejt spitalit pesë herë në periudhën tetor 2025 – janar 2026.

Nga verifikimi i pamjeve të kamerave të sigurisë, hetuesit kanë konstatuar ndërveprime të dyshimta mes kryeinfermierit Aulon Çuku dhe drejtorit Indrit Cerloj, për të cilët dyshohet se kanë shpërdoruar detyrën.

Sipas informacionit të siguruar nga Shërbimi i Kontrollit të Brendshëm në Sistemin e Burgjeve, shoqërimet e shpeshta drejt spitaleve për të burgosur me rrezikshmëri të lartë shoqërore dhe gjendje të mirë ekonomike ngrejnë dyshime se janë përdorur për të siguruar favore të posaçme, kryesisht takime speciale.

Hetimet dyshojnë se këto favore janë dhënë në këmbim të ryshfeteve ndaj drejtuesve të institucioneve dhe personelit përkatës, ndërsa rasti i Ndocit po shihet si pjesë e një skeme më të gjerë abuzimi brenda sistemit.

“Nga ana jonë kemi këqyrur kamerat e sigurisë së institucionit dhe gjatë këqyrjes kemi konstatuar një ndërveprim të dyshimtë midis kryeinfermierit Aulon Çuku dhe drejtorit Indrit Cerloj, si dhe veprime të vërejtura një neglizhencë të theksuar të drejtuesit të IEVP-së Durrës, në lidhje me arsyeshmërinë që shtetasi Indrit Cerloj mund të ketë abuzuar me detyrën, pasi edhe nga këqyrja e pamjeve filmike konstatojmë se ka një marrëdhënie shumë të ngushtë dhe të dyshimtë me infermierin Aulon Çuku.

Për periudhën kohore 2020–2024 është shoqëruar 4 (katër) herë për problematika të ndryshme.

Për periudhën kohore 08.10.2025 – 13.01.2026 është shoqëruar 5 (pesë) herë, në të cilat institucioni drejtohej përkatësisht: në datë 08.10.2025 – Drejtor Institucioni Ervis Dedej, në datë 24.10.2025 – Drejtor Institucioni Edmond Llabani (i komanduar), në datë 26.11.2025 – Drejtor Institucioni Indrit Cerloj, në datë 18.12.2025 – Drejtor Institucioni Indrit Cerloj, në datë 13.01.2026 – Drejtor Institucioni Indrit Cerloj.

Nga informacionet e përftuara në kohë nga SHKBP rezulton se shpeshtësia e shoqërimit për në spital të të burgosurve që kanë rrezikshmëri të lartë shoqërore dhe gjendje të mirë ekonomike dyshohet se kryhet për t’u mundësuar favore të ndryshme (kryesisht takime speciale) këtyre të burgosurve, kundrejt dhënies së ryshfetit drejtuesve të institucioneve dhe personelit përkatës.

Edhe në rastin e planifikimit për vizita në Spitalin Rajonal Durrës të të paraburgosurit Altin Ndoci, duke marrë në konsideratë rritjen e frekuencës së daljeve në një periudhë relativisht të shkurtër dhe duke e krahasuar me historikun e mëparshëm të daljeve të tij për në spital, ekziston dyshimi i arsyeshëm se këto planifikime për vizita mjekësore për në spital përkojnë me periudhën tetor 2025 – janar 2026 dhe janë fiktive. Vlen për t’u përmendur se për mundësimin e vizitave në spitalet rajonale duhet të jetë dakordësia e gjithë personelit të angazhuar në këtë proces, duke përfshirë stafin e sektorit të shëndetësisë, sektorit të policisë dhe Drejtorin e institucionit.

Gjithashtu, nga verifikimet e deritanishme ka rezultuar se për daljet nga IEVP të të burgosurit Altin Ndoci që përkojnë me periudhën tetor 2025 – janar 2026, në asnjë rast nuk është pasqyruar në komunikatën e aktivitetit ditor të Drejtorisë së Përgjithshme të Burgjeve dhe në asnjë rast nuk është informuar Shërbimi i Kontrollit të Brendshëm në Sistemin e Burgjeve”, thuhet në dosje.