Drejtor i "Shefqet Ndroqit": Ka ardhur varianti britanik i Covid-it, ka agresivitet më të madh

Drejtori i spitalit “Shefqet Ndroqi”, Perlat Kapisyzi shprehet i bindur se dhe në vendin tonë ka hyrë varianti i ri britanik i virusit Covid-19.

Gjatë ditëve të fundit kemi një shtim të infektimeve te moshat e reja dhe pneumologu Kapisyzi, thotë se ata janë të infektuar nga variant britanik i cili është më agresiv.

“Edhe vendi ynë nuk bën përjashtim nga të gjitha vendet e tjera. Është rritur numri i pacientëve me moshë të re. Në këtë periudhë tek moshat e reja po shikohet gravitet shhumë i madh i Covid. Më përpara moshat e reja e kalonin më lehtë. Tashmë në vendin tonë duhet të ketë hyrë virusi anglez. Po vërtetohet që ky variant ka edhe agresivitet më të madh”, shpjegon ai për "Abc".

Mjeku shton më tej se pacientët janë në gjendje të rëndë dhe apelon që të mos neglizhohet ardhja në spital.

“Këtu janë të sëmurë shumë të rëndë. Mos e neglizhoni Covid-in. Trajtohuni që në fillim. E rëndësishme është që kurrë pacientët nuk duhet të këmbëngulin të rrinë në shtëpi”, thotë ai.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm