Flash News

Goditi mjekun me sende të forta në kokë, arrestohet 54-vjeçari në Vorë

Ishte nisur nga Bari, policia kufitare ndalon velieren në Spille, gjenden armë e municione

Meteorologët paralajmërojnë për përmbytje në Shqipëri

Flet e moshuara që u dhunua nga nusja në Shkodër: M’i ka shkulur flokët!

Shtyu gazetaren/ Shoqata e Gazetarëve Europianë dënon sjelljen e Majkos: Akt intimidues

E-TJERA

Drejtuesja e KSHH tregon parregullsitë në zgjedhjet e Himarës: Disa zgjedhës nuk gjenin emrat në listë

Politiko 6 Gusht 2024, 14:25

Drejtuesja e KSHH tregon parregullsitë në zgjedhjet e Himarës:

Erinda Skëndaj, drejtoresha e Komitetit Shqiptar të Helsinkit, ka treguar disa nga parregullsitë e konstatuara në zgjedhjet e Himarës të mbajtura të dielën.

E ftuar në RTSH, Skëndaj theksoi se pati probleme duke filluar nga mosidentifikimi i disa votuesve e deri tek ID e skaduara.

“Në vlerësimin tonë ku u shfaqën disa problematika si në mosidentifikimin e personave, karta e të cilave kishte skaduar. Kishte raste kur PEI nuk e bëri këtë identifikim dhe vjen logjika e funksionimit të PEI që ofron garanci 100 për qind si çdo pajisje elektronike. Në këtë kontekst çdo procedurë ligjore që parashikohet në Kodin Zgjedhor për sa i takon verifikimit dhe nënshkrimit nga zgjedhësit, në vlerësimin e Komitetit Shqiptar të Helsinkit është e detyrueshme për t’u respektuar”, u shpreh Skëndaj.

Një problem sipas saj, ishte edhe rasti me ata zgjedhës që nuk gjenin emrat në listë.

“Ne vijojmë të shikojmë praktikën e orientimit nga vëzhguesit partiakë të këtyre shtetasve, të cilët kishin ose listat e printuara. Pra, vëzhguesit partiakë dinë elektoratin që do të votojë për ta, pra njohin se në cilin kah do të votojë ky elektorat dhe ndihma që u jepej ishte ose përmes listave të printuara ku identifikohej qendra e votimit ku ishin zgjedhësit që e lënë në ditën e fundit se në cilën qendër votimi janë, ose përmes aplikacioneve të veçanta, gjë në vlerësimin tonë nuk është një praktikë e rregullt”, nënvizoi Skëndaj.

Skëndaj shtoi se praktika e dhënies së numrave rendor të zgjedhësve nga komisionerët është qasje e gabuar pasi sjell indentifikimin e gjeneraliteteve të zgjedhësve duke rritur intimidimin ndaj tyre.

“Edhe praktika e dhënies së numrave rendor të zgjedhësve nga komisionerët që janë partiakë drejt vëzhguesve që përfaqësojnë njërin kah ose tjetër politik, është e gabuar sepse përmes numrave rendorë bëhet identifikimi i gjeneraliteteve të zgjedhësve.

Nëpërmjet identifikimit të zgjedhësve, vëzhguesit dhe partitë politike kanë mundësi të ushtrojnë presion tek ajo pjesë e elektoratit që ka premtuar se do të votojë për ta duke i kërkuar të paraqiten në qendrën e votimit përfshirë edhe familjarët e tyre.

Pak a shumë këto ishin në terma të përgjithshëm parregullsitë në procesin e votimit ashtu sikurse mungesa e njohurive dhe e trajnimit të komisionerëve u reflektua edhe në fazën e përmbylljes së procesit të votimit”, shtoi Skëndaj.

Të fundit