Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"Duam të jemi forcë përcaktuese qeverisëse", Patozi: Mandati në Shkodër është i sigurt

Politiko 8 Mars 2021, 14:52
"Duam të jemi forcë përcaktuese qeverisëse",
Kreu i BD, Astrit Patozi

Drejtuesi i Bindjes Demokratike, Astrit Patozi nisi fushatën elektorale nga Shkodra. Në një intervistë për "eeTimes", Patozi foli për skepticizmin që është krijuar ndaj partive të vogla, ku theksoi se "Ne jemi të përgatitur për këtë lloj skepticizmi dhe publiku ka të gjithë të drejtën e botës që të dyshojë tek çdo forcë e re, por ne do ta thyejmë tabunë, do ta thyejmë mitin që është krijuar nga kryetarokracia, pra është i qëllimshëm nuk është faji i qytetarëve".

Ai përjashtoi çdo bashkëpunim me Partinë Demokratike dhe për këtë bëri 'me faj' PD. Patozi shprehu bindjen se partia që drejton do të marrë një mandat në Shkodër.

"Unë besoj që mandati jonë në Shkodër është ngjarje e sigurt, por ne nuk do të mbetemi vetëm në Shkodër", shtoi ai.

Kreu i BD synon që Bindja Demokratike të jetë përcaktuese qeverisëse. Patozi tha se ditët në vijim do të prezantojë programin, i cili synon realizimin e disa reformave.

"Ne duam të jemi forcë përcaktuese qeverisëse, bashkë me të tjerët të bëjmë mazhorancën e këtij vendi dhe ne të japim kontributin për transformimin e politikës në Shqipëri, sepse ne mund të futemi në koalicion me të tjerët vetëm me kushtet tona dhe kushtet tona janë që Shqipëria duhet të ketë një drejtim të ri dhe një administrim të ri të pushtetit. Kemi dhe reforma të tjera të cilat do i shfaqim me programin tonë javën e ardhshme", u shpreh ai.

Të fundit