Flash News

E-TJERA

"Duhet përmbysje jo rotacion", Koalicion i madh PD-PS? Meta: Autobusi po shkon drejt greminës

"Duhet përmbysje jo rotacion", Koalicion i madh PD-PS? Meta:
Presidenti Ilir Meta

Për Kreun e Shtetit Ilir Meta një përmbysje është shumë më e nevojshme se rotacioni politik.

"Vendi ka nevojë për një përmbysje, në kuptimin më të mirë të fjalës.Unë, e them shpesh koha e ndryshimit ka ikur që prej katër vitesh", tha Presidenti.

Ky i fundit shtoi se në katër vitet e fundit ka pasur përkeqësim të shtetit të së drejtës, situatës ekonomike dhe sociale, tregues që sipas Metës tregojnë krizë dhe jo vetëm stanjacion. Kjo shtoi ai ka ndikuar në mosçeljen e negociatave me BE-në.

"Është momenti për një ndryshim të fortë dhe të qartë të vendit, që do përcaktojë një rrugë të qartë europiane, dhe kjo arrihet vetëm përmes një ndryshimi", tha Meta.

I pyetur për një koalicion të madh PD-Lsi, Presidenti tha për "Kjo Javë" se nuk ndërhyn në raportet e forcave politike.

"Unë nuk ndërhyj dot në këtë çështje. Unë, besoj se e ardhmja i takon atyre që janë për ndryshim. Ata, që duan të shkojnë në anën e greminës, mund të shkojnë. Por, nuk e shpëtojnë dot autobusin që është nisur për në fund të greminës", shtoi Kreu i Shtetit.

Ditari politik

Të fundit