Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

"Duhet të kishim bërë më shumë për Shkodrën", Topalli: Mandatet tona do shërbejnë për largimin e Ramës, Bashës, Kryemadhit e Metës

Politiko 27 Mars 2021, 19:17

"Duhet të kishim bërë më shumë për

Kryetarja e partisë Lëvizja për Ndryshim ka nisur sot fushatën elektorale në Shkodër, ku ka prezantuar kandidate për deputet për zgjedhjet e 25 prillit.

Nga qyteti i lindjes, ish-kryeparlamentarja pranoi se Partia Demokrati gjatë qeverisjes së saj duhet të kishte bërë më tepërt për Shkodrën. Ajo tha se iu ka një borxh shkodranëve dhe do t'ia u kthejë.

Gjatë fjalës së saj, Topalli u shpreh e bindur për marrjen e mandateve dhe sipas saj, ato mandate do shërbejnë së pari për largimin e Edi Ramës dhe më pas të Lulzim Bashës së bashku me Monika Kryemadhin dhe Ilir Metën

"Të gjithë këto që më rrethojnë nuk hyjnë në kategorinë e atyre emrave që kërkojnë një vend të sigurtë në parlament, një karrige në pjesën e lartë dhe po se patën atë ato sigurisht që fillojnë dhe zhgënjehen. Pra pranon që të guxojë, se vetëm ai që guxon mund të kapërcejë vështirësitë dhe t'ia dalim për të mbyllur një fazë të rëndësishme të vendit tonë, të një tranzicioni dhe për të hapur një fazë të re për qytetin tonë, por edhe për Shqipërinë.

Ne kemi një mesazh për qytetin tonë, ku ne kemi lindur, jemi shkolluar, jemi rritur dhe na kanë lindur fëmijët. Nuk ka dhimbje më të madhe sesa ta shoh qytetin tim në ditët më të vështira. Me qytetarë që dijnë të ruajnë dinjitetin e tyre, por sytë e tyre flasin më shumë se çdo gjë tjetër, për dhimbjen pamundësinë dhe mungesën e prespektivës. Unë i kam një borxh qytetarëve të mi, ndoshta kam bërë gabime gjatë jetës time, unë nuk kam turp të them që kam bërë edhe gabime, por njeriu në jetë duhet të ketë dhe kurajo të thotë dhe më fal, të ket kurajo edhe për të thënë unë do t'ia u rikthej borxhin atyre. Borxh që unë ja kam secilit prej qytetarëve, jo vetëm ata që më kanë votuar, por edhe ata që s'me kanë votuar. Unë ndohem keq kur më thonë se çfarë ndodh me Shkodrën, pse Shkodra ka humb peshën politike, ekonomike, kulturore.

Unë nuk dua të them se çfarë kam bërë për Shkodrën, unë dua të them që duhet të kishim bërë shumë herë më tepërt. Edhe unë dua ta kthej peshën politike, ekonomike, kulturore që ky qytet e ka patur shumë vite më parë. Unë nuk jam e qetë nëse ne nuk do të fillojmë të hapim një kapitull të ri në qytetin tonë. Unë e dua Korçën dhe çdo cep të Shqipërisë, por nuk mund t'ia lejoj që Shkodra të mos ishte vend i parë si qytet turistik. Unë nuk mund të jem e qetë cilido që mund të jetë nesër kryeministër, që të guxojnë të mos sjellin këtu investime, edhe ta veçojnë qytetin tonë ndryshe nga qytetet e tjera. Unë di sesi të luftoj.

Unë mendoj se do të jemi faktor qeverisës dhe mandatet që do të marrim, janë mandate që do të shërbejnë për të larguar së pari Edi Ramën, së dyti Lulzim Bashën së bashku me Monika Kryemadhin dhe Ilir Metën. Kush thotë se është e pamundur për të larguar gabon rëndë. " tha Topalli.