Flash News

U diagnostikua me kancer, Biden thyen heshtjen

Dosja “Partizani”, GJKKO kalon për gjykim Berishën dhe Malltezin

Policia e Shkodrës asgjëson mbi 1,500 bimë narkotike

Lirohet nga burgu Safet Gjici, shkak gjendja e rënduar shëndetësore

EMRI/ Prifti rrëzohet nga çatia e kishës në Korçë, dërgohet në spital

E-TJERA

“Dukej si i pushtuar nga djalli”/ Nëna e Mark Samson rrëfen frikën nga i biri pas vrasjes së Ilaria Sulës

Politiko 18 Prill 2025, 19:06

“Dukej si i pushtuar nga djalli”/ Nëna e Mark Samson

Rrëqethëse është dëshmia e Nors Man Lapaz, nënës së Mark Antony Samson, 23-vjeçarit që akuzohet për vrasjen makabre të Ilaria Sulës, vajzës shqiptare që u vra me thikë në apartamentin e tij në Romë, më 26 mars. Gruaja, e cila ndodhet nën hetim për bashkëpunim në fshehjen e trupit, ka dhënë detaje tronditëse gjatë marrjes në pyetje më 7 prill.

“Më hapi derën dhe fytyra e tij nuk ishte më e tija. Ishte i kuq, po dridhej dhe fliste sikur të ishte një demon. M’u duk sikur mund të më bënte keq edhe mua”, ka treguar ajo.
Sipas dëshmisë së saj, ajo kishte parë Ilarian të shtrirë me fytyrën përmbys në tokë. E tronditur, e kishte pyetur të birin se çfarë kishte ndodhur, dhe ai i ishte përgjigjur në gjuhën filipinase:

“Po të mos e bëja unë, do më vrisnin ata mua.”
Prokuroria e Romës e cilëson nënën si bashkëpunëtore në krim, pasi dyshohet se ka ndihmuar për të pastruar dhomën pas ngjarjes dhe për të fshehur trupin. Sipas hetuesve, trupi i Ilaria Sulës u fut në një valixhe, të cilën Samson e hodhi në një humnerë rreth 40 kilometra larg kryeqytetit, në zonën e Capranica Prenestina.

Në dëshminë e saj, gruaja ka treguar se kishte dëgjuar zëra të lartë atë mëngjes:

“I dëgjova të ziheshin, më shumë ajo se ai. Nuk i kisha dëgjuar kurrë të flisnin me zë të lartë më parë.”
Samson, sipas saj, i kishte kërkuar të mos hynte në dhomë dhe më pas i kishte kërkuar një valixhe të madhe dhe një qese plastike. Në një moment, madje e kishte kërkuar edhe një përqafim.

Ngjarja ka tronditur opinionin publik në Itali dhe Shqipëri, ndërsa hetimet vazhdojnë për të zbardhur të gjitha rrethanat e vrasjes brutale dhe rolin e saktë të nënës së autorit.

Të fundit