Dvorani/ Meta ashpërson tonet: Amerikanët e Edi Ramës unë i kap për veshi

Presidenti i Republikës, Ilir Meta ka komentuar çmimin e Departamentit Amerikan të Shtetit për ish kreun e KED, Ardian Dvronanin.

I ftuar në emisionin “Frontline” në News 24, kreu i shtetit tha se nuk heq asnjë presje nga ajo që ka thënë më parë në lidhje me Dvoranin në krye të KED.

Gjatë fjalës së tij, Meta nuk ka kursyer edhe tonet e ashpra kur tha se “amerikanët Edi Ramës i kap për veshi”.

“Unë nuk hyj në punët e brendshme të Amerikës sepse e kemi dikë që hyn në punët e brendshme të Amerikës dhe gjithë botës. Nuk habitem edhe për foton që ka bërë si gruaja e Bilalit! Asnjë presje nuk i heq asaj që ka shkruar Presidenti Ilir Meta.

Ky ka bërë shkelje procedurale, ka vonuar procesin. Me këto prova që kemi, nuk kemi gjë. Mënyrën e procedurës i ka bërë të gjitha në shkelje të ligjit për të mbajtur peng procesin. Çdo njeri që ka shkelur Kushtetutën e Shqipërisë do të shkojë në burg. Venecian s’e kam kërkuar unë. Mafia ndërkombëtare janë të gjithë ato duar të zeza.

Kanë dalë dy deklarata nga Komisioni i Venecias dhe janë hequr pas 5 minutash. Edi Rama e di shumë mirë se nuk impresionohem me atë punë. Sa respekt ka ai për Shtetet e Bashkuara, e dimë. Ua hodhi marrëveshjen. Gruaja e Bilalit e ka procesin të pambyllur atje. U bëra 30 vjeç kryeministër dhe më erdhi një diplomat në emër të Shteteve të Bashkuara për të mbyllur një aferë. Unë i thashë se Shtetet e Bashkuara na kanë mësuar për lirinë dhe demokracinë. 

Amerikanët e Edi Ramës, Ilir Meta i kap për veshi. Jo si President i Republikës. Ata të mos e gënjejnë se i dalin për zot të prekë votën e lire”, u shpreh Meta.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm