Flash News

Gjendet pas 6 ditësh trupi i pajetë i 29-vjeçarit në Klos

U arrestua pak metra larg SPAK, Prokuroria e Posaçme kërkon17 vite burg për ‘bosin’ e drogës

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

E-TJERA

Dy aksidentet e ish-drejtorit të Doganës, reagon burri që i zbuloi lidhjen intime

Politiko 21 Mars 2023, 15:44

Dy aksidentet e ish-drejtorit të Doganës, reagon burri që i

Dy aksidente të njëpasnjëshme, ndodhën ditën e djeshme në qytetin e Vlorës në rrugën Transballkanike, dhe që të dyja kishin për protagonist ish-drejtorin e Doganës së Fierit, Arlind Lagji.

46-vjeçari nën drejtimin e një automjeti tip “Volkswagen Tuareg”,, përplasi fillimisht një këmbësore. E teksa me këmbën në pedalen e gazit tentoi të largohej nga vendngjarja përplasi disa metra më tutje një tjetër automjet.

Teksa, Lagji është vënë në pranga nga policia dhe mbi të cilin rëndojnë akuzat “Drejtimi i automjeteve në mënyrë të parregullt”, “Shkelja e rregullave të qarkullimit rrugor“ dhe “Largimi nga vendi i aksidentit”, në lidhje me dy aksidentet e njëpasnjëshme ka reaguar edhe Algert Beluli. Beluli është ish-bashkëshorti i të dashurës që kishte Lagji, ndërkohë që dhe vet ishte i martuar.

Beluli publikoi audio-përgjime me ish-drejtorin e Doganave, ku Lagji e kërcënonte me jetën e vajzës dhe i thoshte ‘do ta bëj trupin thela-thela’, ndërsa historia kishte nisur pas marrëdhënies intime që bashkëshortja e Belulit, Anxhela Ngjeqari kishte krijuar me 46-vjeçarin.

Beluli deklaron se Lagji ka ndërhyrë për të shpëtuar Anxhela Ngjeqarin nga akuzat për aksidentin që ish-bashkëshortja i shkaktoi atij, ku tentoi t’i merrte jetën duke e shtypur me makinë. Sipas tij për këtë ekzistojnë të gjitha provat në prokurori dhe asnjë masë nuk është marrë, ndaj Beluli ka frikë se Lagji do të dalë i pa lagur edhe nga aksidenti i djeshëm.

Beluli është shprehur gjithashtu se i është dashur të largohet nga Shqipëria pasi zbuloi tradhtinë e bashkëshortes me ish-kreun e doganës së Fierit, i cili më pas edhe e dhunoi.

“Ky është rast i përsëritur, pasi më ka goditur është larguar. Ky është një rast i paralajmëruar shumë qartë, se e kam denoncuar atë person në organet e shtetit. Nuk është marrë asnjë masë ndaj atij personi. Ai del në rrugë, sikur nuk ka kryer asnjë vepër penale. Unë jam këtu pasi në Shqipëri jam përndjekur nga personi, nga persona të paidentifikuar. Më pas nuk më ka dalë dikush garant, kam kërkuar azil. Në bazë të asaj që konstatoj, dyshoj se prokuroria e Fierit është e kapur nga krimi. I bëj thirrje opinionit publik se personi në fjalë mund të marrë jetë njerëzish, ai deklaron se është kriminel, që ka dijeni për vrasje”, shprehet Beluli.

Konflikti i Lagjit dhe Belulajt u bë publik pak kohë më parë ku ky i fundit denoncoi Lagjin dhe bashkëshorten e tij për lidhjen jashtë-martesore ndërsa pas akuzave, ish-drejtori i doganës së Fierit u pezullua.

Të fundit