Dy shpërthime të fuqishme në Lezhë, banorët në panik: Shpërthyen nga ajri, kemi frikë

Banor i Lezhës

Dy shpërthime të fuqishme janë ndjerë nga banorët e Lezhës mbrëmjen e kësaj të marte. Shpërthimet janë ndjerë në zonat ishull Shëngjin dhe ishull Lezhë njëra pas tjetrës. Sipas banorëve të alarmuar, këto shpërthime kanë ardhur nga ajri, madje shtëpitë e tyre janë lëkundur në pak sekonda.

“Ishte shpërthim i fortë nga ajri. Ishin dy goditje punë sekondash. Kam lajmëruar operativin e zonës, ata thanë nuk dimë asgjë. Ne kishim frikë, mos vjen ndonjë tip cunami. Dolëm jashtë nga frika, por nuk pamë gjë, për mua ishin goditje nga ajri” , u shpreh një banor i zonës për mediat.

Policia e Lezhës është vënë në gjendje alarmi, por ende nuk ka detaje se çfarë ka ndodhur.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm