Flash News

Igli Tare emërohet zyrtarisht si Drejtori Sportiv i ri i Milanit

Dy vëllezër tentojnë të vrasin kushëririn në Kukës, njëri arrestohet pas një viti në arrati

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Vlorë/ Përplasi të miturën dhe u largua nga vendngjarja, shpallet në kërkim 27-vjeçarja

E-TJERA

Dy vëllezër tentojnë të vrasin kushëririn në Kukës, njëri arrestohet pas një viti në arrati

Politiko 23 Maj 2025, 16:21

Dy vëllezër tentojnë të vrasin kushëririn në

Policia e Kukësit ka vënë në pranga një 32-vjeçar të shpallur në kërkim, i dyshuar për tentativë vrasjeje ndaj kushëririt të tij, ngjarje e ndodhur rreth një vit më parë në lagjen “Gostil”.

Sipas njoftimit zyrtar, i riu me inicialet E. K., banues në Kukës, u kap si rezultat i një operacioni të bazuar në inteligjencën policore për lokalizimin e personave të shpallur në kërkim. Ndaj tij, Gjykata e Shkallës së Parë të Juridiksionit të Përgjithshëm Kukës kishte caktuar më herët masën e sigurisë “Arrest në burg”.

Hetimet tregojnë se më 15 qershor 2024, 32-vjeçari dhe vëllai i tij, E. K., 35 vjeç (i arrestuar më parë), kanë tentuar të vrasin kushëririn e tyre, shtetasin A. C., duke përdorur një mjet prerës. Sipas burimeve zyrtare, ngjarja ka ndodhur për motive të dobëta dhe është konsideruar si një krim i kryer për shkak të marrëdhënieve familjare, por që ka mbetur në tentativë.

Materialet procedurale i janë referuar tashmë Prokurorisë pranë Gjykatës së Shkallës së Parë të Juridiksionit të Përgjithshëm Kukës për vijimin e hetimeve dhe procedurave të mëtejshme ligjore.

Të fundit