Flash News

Kërkon lirimin me kusht, Ervin Salianji mbërrin në Gjykatën e Fierit

Zjarr në Lurë, flakët rrezikojnë Parkun Kombëtar

Në kërkim ndërkombëtar për drogë, kapet në Durrës 36-vjeçari (EMRI)

Shqyrtohet sot në Gjykatën e Lartë rekursi i Veliajt

Sot seanca në Gjykatën e Fierit, Salianji kërkon lirimin me kusht

E-TJERA

Dy vëllezërit nga Kosova humbën jetën nga tërmeti i 26 nëntorit, familjarët: Na premtoi 16 mijë euro, Rama nuk e mbajti fjalën

Politiko 25 Nëntor 2020, 18:28

Dy vëllezërit nga Kosova humbën jetën nga tërmeti i 26

Pas 24 orësh, Shqipëria do të kujtojë një-vjetorin e fatkeqësisë natyrore që shkaktoi 51 viktima, mijëra të plagosur e dëme materiale që kapin vlerën e dëmeve 985 milionë euro, tërmetin e 26 nëntorit.

Mes viktimave ishin edhe dy vëllezër nga Kosova, Shemsedin e Isa Abazi, të cilët u n nxorën të pajetë nga rrënojat e hotelit “Tropikal” në Durrës.

Djemtë nga Gjilani kishin ardhur në Shqipëri për të ndihmuar familjen financiarisht, por nuk u kthyen më të gjallë.

Pas vdekjes së tyre, vullnetarë të shumtë u mobilizuan dhe ndihmuan familjen e tyre për ndërtimin e tri shtëpive të reja.

Tani familja Abazi ka kushte më të mira, por Luljetën, nënën e djemve të mbytur në tërmet, nuk e gëzon ky fakt, sepse ka shumë mall për Shemsiun e Isën.

Në një rrëfim për Gazetën Express, Luljeta Abazi, nënën e djemve është shprehur mirënjohëse ndaj të gjithë personave që e ndihmuan për ndërtimin e shtëpive të reja, megjithatë thotë se kryeministri i Shqipërisë, Edi Rama, nuk e ka mbajtur premtimin e dhënë.

Luljeta thotë se kryeministri shqiptar Rama nuk ua ka dhënë akoma 16 mijë eurot e premtuara.

“Shteti jonë na ka ndihmuar, por Edi Rama i premtoi 16 mijë euro për gratë (bashkëshortet e djemve), por asgjë s’ju ka dhënë, e jo më fëmijët për t’i shkolluar me master e qysh ka thanë. 16 mijë euro janë diskutuar, por deri tani asnjë cent nuk u ka dhënë. Për ndërtimin e shtëpive na kanë ndihmuar njerëzit”, tha ajo.

Tërmeti me magnitudë 6.4, epiqendra e të cilit ishte 16 kilometra në jugperëndim të Mamurrasit, la të vdekur 51 persona, mbi 3 mijë tё plagosur, shumë objekte të dëmtuara që kapin vlerën e dëmeve 985 milionë euro.

Sipas informacioneve zyrtare në mesin e 51 personave që humbën jetën, ishin edhe 10 fëmijë të moshave 2-10 vjeç. 

Për nga shkalla e magnitudës ky ishte tërmeti më i madh që ka goditur Shqipërinë në më shumë se dyzet vjet. Zonat më të prekura janë Durrësi, Fushë-Kruja, Thumana, Tirana, Kurbini, Lezha etj.

Të fundit