Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Dyndja për të blerë miell nga paniku i luftës, Shqipëria zgjedh si alternativë tregje të tjera, mjaftojnë edhe rezervat

Politiko 4 Mars 2022, 13:16

Dyndja për të blerë miell nga paniku i luftës,

Paralajmërimi se lufta në Ukrainë do të sjellë një rritje të çmimeve dhe krizë për miell në Shqipëri, bëri që shumë qytetarë t’i drejtohen fabrikave duke blerë masivisht sasi të mëdha mielli.

Drejtori i Përgjithshëm i Politikave të Bujqësisë, Sigurisë Ushqimore dhe Zhvillimit Rural, Irfan Tarelli, u shpreh në një intervistë për Euronews Albania se nuk ka vend për panik kur rezervat e grurit dhe të miellit janë të mjaftueshme për furnizimin e tregut.

“Unë mendoj që nuk ka aspak vend për panik. Së pari rezervat e grurit dhe të miellit të importuara që më parë janë të mjaftueshme për të garantuar një furnizim të tregut dhe e dyta importet e këtyre produkteve vazhdojnë pa asnjë ndërprerje. Në këtë kuptim gjithë popullsi duhet të jetë e qetë dhe e garantuar që këto produkte nuk do të mungojnë në treg”, u shpreh Tarelli.

Në rast nevoje, Tarelli theksoi se Shqipëria do t’i drejtohet tregjeve të tjera në Kanada, Francë dhe Argjentinë prej nga kanë marr edhe herë të tjera.

“Tregje të mëdha ose potencialisht që edhe më parë jemi furnizuar në një masë të caktuar janë: Franca, Kanadaja, Argjentina por dhe tregjet e tjera në Evropë siç janë Hungaria, Italia, Rumania. Pra kemi një diversikim të mjaftueshëm tregjesh për grurin ose produkte të tjera bazike”, shtoi Tarelli.

Sa i përket masave që autoritetet kanë marrë për të përballuar situatën, Tarelli tha se janë marrë masa paraprake duke filluar nga importet e produkteve e deri te partnerët që iu mundësojnë bashkëpunim.

“Me fillim e tensioneve që u shfaqen midis Rusisë dhe Ukrainës ne patëm një vëmendje të shtuar me strukturat tona së pari për të evidentuar në mënyrë urgjente gjendjen e produkteve në treg, ecurinë e importeve dhe sensibilizimin e subjekteve importues për të shtuar sasinë e importuar në treg. Me kënaqësi them se kjo ndodhi. Ana e dytë kanë qenë kontaktet me shtet partner për të siguruar informacionin e nevojshëm dhe bashkëpunimin në masën që u takon strukturave shtetërore të influencojnë dhe informimin e operatorëve të tregut për mundësitë potenciale për të siguruar këtë lloj vazhdimësie”, përfundoi Tarelli.

Të fundit