Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

E enjtja do të sjellë rënie të menjëhershme të temperaturave dhe rrebeshe, si do të ndryshojë moti gjatë javës

Politiko 27 Shtator 2021, 12:05

E enjtja do të sjellë rënie të menjëhershme të

Dita e sotme dhe e marta do të jenë me temperatura të larta deri në 31°C, por nuk do të mungojnë reshjet në disa zona të vendit si veriore dhe qëndrore. Ndërsa të mërkurën dhe të enjten reshjet do të përfshijnë të gjithë territorin.

Kështu bëri me dije sinoptikania Lajda Porja për "News 24", ndërsa shtoi se ditën e enjte do të regjistrohet ulje e menjëhershme e temperaturave. Këto të fundit do të zbresin në 24-25 °C.

Në të njëjtat kushte atmosferike do të jetë dhe fundjava, duke bërë që muaji tetor të nisë me temperatura të ulëta.

“Temperaturat e larta kanë vijuar edhe gjatë ditës së sotme, edhe pse ka pasur vranësira. Temperaturat pritet të jenë deri në 31°C, tipike këto temperatura për verën. Parashikohet që këto vlera termike të na shoqërojnë sot dhe nesër, ndërkohë që sonte gjatë natës pritet të kemi edhe zhvillim të vranësirave, që do të përfshijnë të gjithë territorin.

Sot do të ketë reshje në zonat veriore, por rrezikohen edhe Elbasani e Tirana nga pikat e shiut, ndërsa nuk do të ketë reshje në jug. Të mërkurën e të enjten do të kemi reshje në të gjithë territorin, madje priten edhe rrebeshe.

Edhe pse reshjet do të jenë të pranishëm, sasia e tyre parashikohet të jetë e ulët, deri në mesatare. Ende nuk i kemi ato ditët me shira të konsiderueshme. Ditën e enjte do të kemi rënie të menjëhershme të temperaturave. Do të kemi rënie në vlera ekstreme, ku nga 31 °C do të zbresin në 24-25 °C. Temperaturat e ulëta do të na shoqërojnë edhe në fundjave, duke bërë që tetori të nisë me temperatura të ulëta”, u shpreh sinoptikania Porja.

Të fundit