Flash News

E-TJERA

"E futa në valixhe dhe bleva cigare"/ Autori i vrasjes së Ilaria Sulës rrëfen krimin në një letër drejtuar prokurorëve

"E futa në valixhe dhe bleva cigare"/ Autori i vrasjes së

Detaje tronditëse janë zbardhur nga një letër e autorit të vrasjes së Ilaria Sulës, 22-vjeçarja shqiptare që u gjet e pajetë në fund të marsit në një zonë periferike të Romës. Mark Samson, 23 vjeç, me origjinë filipinase, ka rrëfyer para prokurorëve italianë ngjarjen makabre dhe veprimet e tij pas krimit.

Në letrën që ai u ka dërguar autoriteteve, përshkruhet nata e 25 marsit, kur çifti kishte qëndruar së bashku në banesën e Samsonit dhe kishin folur për marrëdhënien e tyre. Ai shpjegon se kishte qenë i tensionuar dhe i lodhur nga lidhja, ndërsa pretendon se Ilaria kërkonte njohje të tjera.

“Folëm për marrëdhënien tonë, për faktin që më shqetësonte dhe isha lodhur duke pritur. Ajo ndërkohë kërkonte njerëz të tjerë për t’u lidhur”, shkruan 23-vjeçari.

Ai rrëfen se Ilaria i kishte kërkuar të flinte në shtëpinë e tij atë natë pasi ishte vonë, dhe se kishte fjetur në shtratin e tij me pizhame që ia kishte dhënë ai. Sipas tij, para se të ndodhte krimi, kishin kujtuar përvojat e përbashkëta dhe emrat përkëdhelës që i thërrisnin njëri-tjetrit – si “Shpirt”, “Zemra ime” dhe në gjuhën filipinase “Bebe Ko”, “Mahal”, “Asaëa”.

Pas goditjes fatale me thikë, e cila dyshohet se ka ndodhur mëngjesin e 26 marsit, Samson ka përshkruar se si e ka futur trupin e Ilaria Sulës në një valixhe dhe më pas është përpjekur të shpëtojë prej tij.

“Në një ditë me diell të ndritshëm, e nxora karrocën nga ndërtesa. Prita që të kalonin dy vajza që po vinin në drejtimin tim, pastaj e ngrita valixhen dhe e vendosa në bagazh. U ndala për një moment për të rifituar fuqitë. Më pas, pa një drejtim të saktë, u largova. Rreth orës 16:30 bleva cigare dhe një çakmak në një tabakino”, rrëfen ai në letrën e tij.

Trupi i pajetë i Ilaria Sulës u gjet në një përrua në zonën e Capranica Prenestina. Ngjarja ka tronditur opinionin publik në Itali dhe në Shqipëri, ndërsa hetimet vijojnë për të zbardhur plotësisht rrethanat e krimit dhe motivet që e shtynë të riun drejt këtij akti të rëndë.

Të fundit