“E premte e zezë” në Shqipëri, 18 viktima dhe 801 raste të reja nga Covid-19 në 24 orët e fundit

Ndryshe nga një ditë më parë, sot është rritur numri i viktimave dhe i të infektuarve nga Covid-19 në Shqipëri në 24 orët e fundit.

Ministria e Shëndetësisë raportoi se sot janë regjistruar 18 viktima dhe 801 raste të reja. Nëntë prej viktimave janë shënuar në Tiranë, ndërsa MSH nuk jep informacione rreth viktimave (moshën apo nëse kishin sëmundje shoqëruese).

Aktualisht në 4 spitalet COVID, po trajtohen 483 pacientë, 35 në terapi intensive, 10 pacientë janë të intubuar. Po ashtu, në 24 orët e fundit janë shëruar 490 qytetarë.

“Në 24 orët e fundit kanë rezultuar pozitivë 801 qytetarë. Rastet pozitive të konfirmuara në 24 orët e fundit janë identifikuar në këto bashki:

349 raste në Tiranë, 49 raste në Vlorë, 41 raste në Lushnje, 39 raste në Lezhë,

32 raste në Shkodër dhe Korçë, 31 raste në Tepelenë, 23 raste në Berat dhe Gjirokastër,

22 raste në Librazhd, 20 raste në Krujë dhe Mat, 16 raste në Durrës dhe Dibër,

15 raste në Tropojë, 10 raste në Has, 9 raste në Devoll dhe Kuçovë, 8 në Kukës,

7 në Malësi e Madhe, 6 raste në Elbasan dhe Mallakastër, 4 raste në Gramsh,

3 raste në Fier dhe Delvinë, 2 raste në Kavajë, Pukë, Bulqizë, 1 në Kurbin, Sarandë.

Në 24 orët e fundit janë shëruar 490 qytetarë, duke e çuar numrin e të shëruarve 20.974 që nga fillimi i epidemisë.

Aktualisht në 4 spitalet COVID, po trajtohen 483 pacientë, 35 në terapi intensive, 10 pacientë janë të intubuar.

Me gjithë përpjekjet e mjekëve, në 24 orët e fundit, kanë humbur jetën 18 qytetarë me Sars-Cov2 pozitiv në spitalet COVID: 9 qytetarë nga Tirana, 3 qytetarë nga Fieri, 2 qytetarë nga Elbasan, 1 qytetar nga Tropoja, 1 qytetar nga Korça, 1 qytetar nga Durrësi dhe 1 qytetar nga Kruja”, njofton MSH.

Deri tani janë regjistruar 870 viktima që nga fillimi i pandemisë.