E quajti oligark, biznesmeni i përgjigjet Metës: A të marrsha të ligat, pas 25 prillit do të sjell peshk në Lalëz

Biznesmeni Gjergj Luca i është përgjigjur presidentit Ilir Meta, i cili gjatë konferencës së sotme e etiketoi si oligark gjatë konferencës për shtyp ditën e sotme.

Kreu i shtetit e përmendi biznesmenin teksa po i përgjigjej një pyetje për deputetin e PS-së Taulant Balla dhe deklaroi: "Po të rrish gjithë ditën me oligarkun e peshkimit vetëm gjëra të tilla mund të të pjellë mendja. Siç ishte vizita ime sekrete dhe e fshehtë në Librazhd që e di i gjithë populli."

Përmes një video të shpërndarë në rrjetet sociale, biznesmeni Gjergj Luca ironizon presidentin se deri në datën 25 prill është i zënë duke hedhur beton, ndërsa shtoi se pas kësaj date, kur edhe do të vendosë flotën në punë, do të jetë në dët, madje do i çoj edhe peshk në Gjirin e Lalëzit.

"Përshëndetje miq, iu flas nga kantieri më i ri i Rozafës. Jam oligarku Luc. Më thanë që të ka përmend presidenti jonë I nderuar për punën e madhe që po bëjmë. Është fabrika e tretë e Rozafës që po mbarojmë këtë vit dhe jemi duke hedhur beton këtu, me gjithë këta djem. Desha t’i thosha faleminderit shumë presidentit që gjithmonë më kujton dhe më nxit për të punuar. Edhe këta zotërinjtë këtu, prap kam një falenderim tjetër, janë të gjithë që me insistimin e madh të institucioneve tona, me në krye presidentin tonë të nderuar u bë vetting, janë avokat. Avokat Beni ku je, ma përshëndet një çik presidentin. Ky është avokat Beni, ka qenë prokuror dhe me vettingun faleminderit, u shtua një vend pune. Ky është Bektashi shoku president, ky ka qenë gjykatës, ka qenë ai që ka dënuar ata në Durrës dhe e kapi vetting. O Bektash, përshëndete presidentin. Shumë faleminderit se na ke shtuar fuqinë e punës. Deri në datë 25 prill unë jam duke hedhur beton vëlla dhe nuk të përgjigjem dot, flotën e kam bërë stop. Pas 25 prillit jam në det, siguro do të bie ndonjë gjë aty te Gjiri i Lalzit, ndonjë peshk ndonjë gjë ça të pëlqen ty. A të marrsha të ligat shyqyr që të kemi, shumë faleminderit të dhëntë zoti shëndet president, edhe faleminderit që na mbështet ne oligarkëve." shprehet Luca.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm