Flash News

PS hap zyrtarisht fushatën më 12 prill

Incident në ndeshjen Egnatia -Elbasan, bie nga tribuna një tifoz

Gjendet i pajetë 27-vjeçari i zhdukur në malin e Pashtrikut, babai në gjendje të rëndë

Me lule dhe pankarta, i jepet lamtumira e fundit 22-vjeçares shqiptares Ilaria Sula

Kush është Ilia Ndoka, anëtari i bandës së ish-deputetit të PS

E-TJERA

E reja shqiptare u vra në Itali / Nëna e autorit: Pastruam gjurmët e gjakut së bashku

Politiko 7 Prill 2025, 20:19

E reja shqiptare u vra në Itali / Nëna e autorit: Pastruam

Autoritetet italiane kanë përfunduar marrjen në pyetje të Nors Marlapz, nënës së Mark Samson, 23-vjeçarit të arrestuar për vrasjen e Ilaria Sula-s, ish-partneres së tij. Ajo akuzohet për bashkëpunim në fshehjen e trupit të pajetë, vepër që parashikon deri në tre vite burg.

Procesi i marrjes në pyetje zgjati rreth katër orë dhe u zhvillua në prani të një përkthyesi, të kërkuar nga vetë e hetuara. Sipas mediave italiane, gjatë dëshmisë së saj, Marlapz ka pranuar se ka ndihmuar të birin për të pastruar njollat e gjakut në banesë.

Në përfundim të seancës, prokurorja Maria Perna i ka formalizuar akuzën për bashkëpunim në fshehjen e trupit. Sipas avokatit mbrojtës të Mark Samson, Fabrizio Gallo, nëna e të pandehurit ndodhej në shtëpi në momentin e ngjarjes, ndryshe nga bashkëshorti i saj.

“Pozicioni i saj po sqarohet, por ajo është aktualisht nën hetim. Ka deklaruar se ka ndihmuar për pastrimin, gjë që rëndon akuzën ndaj saj”, është shprehur Gallo.

Sa i përket mundësisë së një vlerësimi psikiatrik për Samsonin, avokati shton se kjo është një pistë që mund të merret në konsideratë, në varësi të dinamikës së ngjarjes dhe historisë së tij personale.

“Nuk është e domosdoshme, por është një nga opsionet që po shqyrtojmë, për të kuptuar më mirë gjendjen mendore të të riut në momentin e krimit. Ky është një rast tragjik dhe dhimbja që po përjeton familja e Ilaria Sula-s është e paimagjinueshme. U bashkohem ngushëllimeve të tyre,” deklaroi Gallo.

Të fundit