Flash News

Dy vëllezër tentojnë të vrasin kushëririn në Kukës, njëri arrestohet pas një viti në arrati

Ndërron jetë Artan Lame, e ëma e konfirmon: Ky moment i mallkuar erdhi

2-vjeçari holandez bie nga kati i tretë i hotelit në Rinas, dërgohet në spital

Vlorë/ Përplasi të miturën dhe u largua nga vendngjarja, shpallet në kërkim 27-vjeçarja

Tri mënyra të mirëprovuara për të demontuar një autokrat

E-TJERA

E rëndë në Gjermani/ Mjeku akuzohet për vrasjen e 15 pacientëve

Politiko 16 Prill 2025, 16:30

E rëndë në Gjermani/ Mjeku akuzohet për vrasjen e 15
Një ngjarje tronditëse ka dalë në dritë në Gjermani, ku një mjek 40-vjeçar po përballet me akuza të rënda për vrasjen e 15 pacientëve, të cilëve dyshohet se u ka administruar doza vdekjeprurëse medikamentesh, kryesisht në kuadër të kujdesit paliativ.

Sipas prokurorisë, hetimet nisën në vitin 2024 pas katër rasteve të dyshimta vdekjesh, por më vonë çuan në zbulimin e një skandali shumë më të thellë. Mjeku dyshohet se ka vepruar që prej vitit 2021, ndërsa autoritetet po hetojnë edhe dhjetëra raste të tjera të dyshimta.

Akuza më tronditëse është ajo se mjeku ka tentuar të zhdukë gjurmët, duke bërë që disa prej trupave të viktimave të digjeshin në banesat e tyre, për të shmangur hetimet. Aktualisht, prokuroria po përgatit zhvarrime të tjera për të analizuar nëse numri i viktimave është edhe më i lartë.

I dyshuari, identiteti i të cilit nuk bëhet i ditur për shkak të ligjeve të privatësisë në Gjermani, ndodhet në paraburgim që nga gushti i vitit 2024, dhe ka mohuar çdo akuzë. Ndërkohë, autoritetet po shqyrtojnë të gjitha procedurat mjekësore që ai ka ndjekur në disa lande gjermane, ndërsa prokuroria kërkon ndalim të përjetshëm nga ushtrimi i profesionit të mjekut.

Ngjarja ka shkaktuar një valë reagimesh në opinionin publik dhe komunitetin mjekësor, duke vënë në qendër të debatit nevojën për kontrolle më të rrepta dhe rishikim të etikës mjekësore, sidomos në trajtimin e pacientëve në gjendje terminale.

Të fundit