Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Edhe Franca heq kufizimet për udhëtarët nga Shqipëria; vaksinat që njihen

Politiko 25 Qershor 2021, 15:38

Edhe Franca heq kufizimet për udhëtarët nga Shqipëria;

Franca është shteti i radhës i cili ka hequr kufizimet për udhëtarët nga Shqipëria. Ky vendim vjen pas rekomandimit të Këshillit të BE-së një javë ku e futi Shqipërinë te "lista e gjelbër". Lajmin e ka njoftuar TIA përmes një postimi në rrjetet sociale.

Drejt Francës lejohet të udhëtojnë personat që kanë kryer vaksinë:Pfizer, Moderna, AstraZeneca dhe Johnson & Johnson, ndërsa vaksinat e tjera, ende nuk njihen.

Ndërsa për të pavaksinuarit, lejohet të udhëtojnë, mjafton të kenë një PCR të 72 orëve të fundit ose test antigen.

Njoftimi i plotë:

Franca, nga sot, më 25 Qershor 2021, zbut kufizimet për hyrjen e udhëtarëve shqiptarë me pasaportë biometrike në këtë vend. Edhe te pavaksinuarit mund të udhëtojnë, mjaft të kenë një PCR të 72 orëve të fundit ose test antigen.

Franca e kaloi Shqipërinë në listën jeshile të vendeve me rrezik shumë të ulët infektimi.

Ju rikujtojmë se tamponi PCR mund të kryhet në aeroport apo edhe në çdo institucion tjetër të licensuar mjekësor. Antigeni, nuk kryhet në aeroport, por e gjeni në institucione mjekësore të licensuara.

Ju rikujtojmë gjithashtu kush është i vaksinuar me Pfizer, Moderna, AstraZeneca dhe Johnson & Johnson, është i lirë të hyjë në Francë. Vaksinat e tjera, ende nuk njihen.

Prova e vaksinimit është e vlefshme nëse lejon të vërtetohet përfundimi i një kohe të plotë të vaksinimit, përkatësisht:
• 2 javë pas injeksionit të 2-të për vaksinat me injeksion të dyfishtë (Pfizer, Moderna, AstraZeneca);
• 4 javë pas injeksionit për vaksinat me një injeksion të vetëm (Johnson & Johnson);
• 2 javë pas injeksionit për vaksina te njerëzit me histori të Covid-19 (kërkohet vetëm 1 injeksion).

Ju falenderojmë për bashkëpunimin,
Tirana International Airport

Të fundit