Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Edward Joseph: Rama ka marrëdhënie të ngushtë me Vuçiç, SHBA sillet butë me Serbinë

Politiko 16 Qershor 2023, 10:18

Edward Joseph: Rama ka marrëdhënie të ngushtë me

Profesori dhe analisti, Edward P. Joseph ka folur mbi situatën e tensionuar në veri të Kosovës dhe qëndirmin e kryeministrit Edi Rama ndaj Albin Kurtit.

Në një lidhje për Syri Tv, Joseph tha se Rama ka një marrëdhënie të ngushtë me Aleksandër Vuçiç të cilët mbështesin “Ballkanin e Hapur”. Këtë të fundit, Joseph tha se nuk e sheh si një premisë për stabilitetin e rajonit, por si paqëndrueshmëri.

Joseph shtoi se kemi të bëjmë me një SHBA e cila qëndron e butë përballë presidentit Vuçiç, i cili nuk arriti dot të parandalojë sulmin e protestuesve ndaj ushtëravëe të KFOR-it.

"Shpjegimi është premisa e rreme, kuptimi i rremë i Presidentit Vuçiç dhe këtu bëhet shumë interesant me shikuesit tuaj, sepse sigurisht Shqipëria ka një rol këtu. Shqipëria dhe Kryeministri Rama kanë me sa duket një marrëdhënie të ngushtë me Presidentin Vuçiç dhe mbështesin “Ballkanin e hapur”, që unë besoj se nuk është një projekt që do t’i sjellë stabilitet rajonit, por paqëndrueshmëri dhe shikojmë se kjo nuk ndodh vetëm me Kosovën, por edhe me Malin e Zi dhe me Bosnje Hercegovinën.

Ka shumë kundërshti ndaj “Ballkanit të Hapur” dhe dyshime të mëdha, jo thjesht prej Albin Kurtit dhe shumicës së shqiptarëve të Kosovës, por edhe prej boshnjakëve, prej kroatëve dhe prej malazezëve, të cilët, që të gjithë, shohin kërcënime prej Beogradit në personin e Aleksandër Vuçiçit. Dhe ironia këtu qëndron në faktin se Shtetet e Bashkuara të Amerikës vijojnë me këtë qëndrim për t’iu qasur dhe për t’u përpjekur duke u mundur që ta bindin Presidentin Vuçiç të largohet prej Rusisë, kur vetë qytetarët serbë po protestojnë në numra masivë kundër Presidentit Vuçiç dhe klimës së dhunës që ai ka krijuar.

Pra, kemi një ironi të madhe këtu ku Shtetet e Bashkuara të Amerikës kanë qenë të buta me një President të Serbisë, i cili, më e pakta ka dështuar të parandalojë sulmet ndaj ushtarëve të KFOR-it në 26 maj në Kosovë. Shpresoj që konferenca që do të mbahet prej Sekretarit amerikan të Shtetit, Blinken, i cili vetë shpresoj do të hedhë një sy më të afërt ndaj këshillave që janë dhënë prej mbështetësve dhe do ta kuptojë mirë se përfituesit e kësaj qasjeje të keqkuptuar, se përfituesi i kësaj qasjeje është Vladimir Putin në Rusi,” tha profesori.

Të fundit