Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Ekonomia në 2024-ën, Pano Soko: Inflacioni është i jashtëzakonshëm, gërryen pjesën e rritjes ekonomike

Politiko 5 Janar 2024, 10:04

Ekonomia në 2024-ën, Pano Soko: Inflacioni është i

Eksperti i ekonomisë Pano Soko e sheh si të mundur parashikimin e qeverisë për një rritje ekonomike 3,8 për qind, ndërsa thekson se për një vend në zhvillim si Shqipëria, një rritje e tillë mund të konsiderohet si stanjacion apo qëndrim në vend.

Duke folur në MCN TV, Soko tha që inflacioni është i jashtëzakonshëm dhe gërryen pjesën e rritjes ekonomike për t’u shpërndarë në popullatën e gjerë.

Soko thekson se sot që flasim rritja e pagave dhe e pensioneve gërryhen shumë nga inflacioni.

“Mund të arrihet natyrisht. Shqipëria është duke progresuar pak, në momentin që rritja ekonomike është mbi 4 për qind, është duke ngecur në vend kur rritja ekonomike është nën 4 për qind. Rritja ekonomike është në varësi të potencialit që një vend ka.

Një vend sa më i zhvilluar të jetë, aq më pak ka potencial për t’u rritur. Për vende si Shqipëria, që janë ende të pazhvilluara, një rritje poshtë 5 për qind-shit është një stanjacion, është një qëndrim në vend, duke marrë parasysh që edhe inflacioni është i jashtëzakonshëm, që gërryen pjesën e rritjes ekonomike për t’u shpërndarë në popullatën e gjerë. Pavarësisht që jepen disa nota optimizmi që po rritemi, në fakt jemi ende poshtë kapacitetit tonë për t’u rritur. Sot që flasim rritja e pagave dhe pensioneve, gërryhen shumë nga inflacioni. Fjala e ‘ndjeshme’ s’është tamam fjala reale që duhet të përdoret në këto raste. Kemi pasur raste kur çmimi i artikujve është rritur 100 për qind.

Marrim vajin e lulediellit. Rritje ka, por mjaftueshmërisht për të mbuluar atë situatë që ka krijuar rritja e çmimeve në Shqipëri. Për 7 vite me radhë pagat nuk u indeksuan me rritjen e inflacionit, tani po bëjmë atë që s’kemi bërë në 7 vite, në mënyrë të sforcuar. Qeveria mblodhi të gjitha indeksimet e 7 viteve të fundit dhe i bëri në një vit, çka besoj që do ta rëndojë buxhetin e shtetit, por kjo mbetet për t’u parë. Qeveritë kanë në dorë të korrektojnë pasojat që sjell inflacioni. Pasojat janë rritja e çmimeve, dhe rritja e peshës së çmimeve mbi familjet me të ardhura të pakta, qoftë me ndihmë ekonomike, pensionistët, pensionet e invadilitetit, etj., qeveria këtu ndërhyn, duke ofruar paketa që i ndihmojnë këto familje ta tejkalojnë periudhën.

Gjithë deformimi i kursit të këmbimit vjen nga një faktor, paraja që futet në mënyrë të paligjshme në ekonomi. Edhe në këtë rast, qeveria nëpërmjet forcimit të lekut ka fituar para, sepse borxhi i qeverisë është ulur, këstet i ka më të lira dhe kjo ka krijuar një farë fitimi për qeverinë. Por kemi një sektor të gjithë që preket, që janë eksportet, dhe do duhet që këto para që qeveria fiton nga rënia e eurove, t’ia japë eksportuesve dhe prodhuesve.

Një pjesë e mirë e produkteve shqiptare kanë dalë nga tregu. Qeveria mund të bëjë për të rregullojë pasojat, por duket se e ka bërë një sy qorr dhe një vesh shurdh”, tha eksperti.