Flash News

Kosova hap ambasadë në Malajzi

Në fillim i përqeshi si ‘qilima fluturues’ dhe më pas i përvetësoi/ 7 temat dhe premtimet që Edi Rama kopjoi nga Sali Berisha në këtë fushatë

Kthimi i Edi Ramës në fushatën (humbëse) e 2011

SHBA tërhiqet nga negociatat e paqes midis Ukrainës dhe Rusisë

Shprehja e zv/Presidentit Vance shpërndarë nga Ambasada Amerikane: Ku e tha, në ç’kontekst, dhe si lidhet me Shqipërinë

POLITIKOFF

Phoebe Gates zbulon pa dashje se Bill Gates ka sindromën e Aspergerit

Politiko 2 Maj 2025, 18:45

Phoebe Gates zbulon pa dashje se Bill Gates ka sindromën e Aspergerit

Phoebe Gates, vajza 22-vjeçare e bashkëthemeluesit të Microsoft-it, Bill Gates, ka zbuluar në mënyrë të pavetëdijshme një detaj të panjohur më parë për shëndetin mendor të të atit, gjatë një interviste në podcastin e njohur Call Her Daddy, të drejtuar nga Alex Cooper.

Gjatë bisedës, Phoebe u shpreh: “Babai im është goxha i ngathët në aspektin social. Ai e ka thënë se ka Asperger,” – një deklaratë që ka ngjallur menjëherë debat dhe kuriozitet në rrjetet sociale, duke qenë se vetë Gates nuk e ka konfirmuar ndonjëherë publikisht një diagnozë të tillë.

Megjithatë, në kujtimet e tij të vitit 2023, Gates kishte pranuar se nëse do të ishte rritur sot, me shumë gjasë do të diagnostikohej me një çrregullim të spektrit autik. Ai ka folur hapur për vështirësitë që ka pasur në ndërveprimet sociale gjatë fëmijërisë dhe për prirjen për t’u fiksuar pas temave të veçanta — sjellje të lidhura ngushtë me sindromën e Aspergerit.

Phoebe ndau edhe momente personale për mënyrën sesi sjellja e të atit ndikon në jetën e saj sociale, veçanërisht kur ajo sjell të dashurin në shtëpi. Ajo kujtoi me humor një rast kur Gates e kishte dërguar me makinë në një ballo shkollore, duke e cilësuar situatën si “shumë e sikletshme, por edhe qesharake”.

Deri tani, Bill Gates nuk ka reaguar publikisht për deklaratën e vajzës së tij, por rrëfimi i saj ka hapur një debat më të gjerë për çrregullimet e spektrit autik, sidomos tek figurat publike me ndikim global.

Çfarë është sindroma e Aspergerit?
Sindroma e Aspergerit, e njohur sot si një formë e çrregullimit të spektrit autik (ASD), është një çrregullim neurozhvillimor që ndikon kryesisht në ndërveprimet shoqërore dhe modelet e sjelljes.

Fëmijët me këtë sindromë shpesh kanë inteligjencë mesatare ose të lartë, dhe ndonjëherë talente të veçanta në fusha specifike. Megjithatë, ata shfaqin vështirësi në komunikimin shoqëror dhe priren të kenë sjellje të përsëritura apo interesa të ngushta dhe obsesive. Nuk paraqesin vonesa në zhvillimin e të folurit apo të aftësive kognitive, çka i dallon nga format më të theksuara të autizmit.

Sindroma e Aspergerit është përfshirë në Klasifikimin Ndërkombëtar të Sëmundjeve të OBSH-së (ICD-10) që nga viti 1992 dhe në Manualin Diagnostik dhe Statistikor të Çrregullimeve Mendore (DSM). Me botimin e DSM-5 në vitin 2013, kjo sindromë është përfshirë brenda një diagnoze më të gjerë: Çrregullimi i Spektrit të Autizmit.

Deklarata spontane e Phoebe Gates i ka dhënë një dimension të ri diskutimit mbi neurodiversitetin në figurat publike dhe rëndësinë e pranimit dhe kuptimit të çrregullimeve të tilla në shoqëri.

Të fundit