Flash News

Sulmi me armë ndaj TCH, policia jep 100 000 euro shpërblim për identifikimin e autorëve

Sulmi me një të vrarë në TCH ende pa autor, lirohet ish-dhëndri i rojes Pal Kola

Sulmi ndaj TCH, dy të shoqëruar nga Policia e Vlorës, mes tyre ish-dhëndri i Pal Kolës

Posta e mëngjesit/ Me 2 rreshta: Çfarë pati rëndësi dje në Shqipëri

Sulmi në Top Channel, Rama: Media nuk ka qenë kurrë më e lirë se sot

E-TJERA

Eksperienca si agjent i FBI-së e Charles McGonigal, kur e nisi bashkëpunimin me oligarkun rus

Politiko 26 Janar 2023, 14:33

Eksperienca si agjent i FBI-së e Charles McGonigal, kur e nisi

Pak ditë më parë ish agjenti i FBI-së, Charles McGonigal ra në prangat e policisë. McGonigal u ndalua pasi u zbulua se kishte ndihmuar oligarkun rus të sanksionuar Oleg Deripaska.

Arrestimi i tij çoi në zbulimin edhe të lidhjeve të McGonigal dhe kryeministrit Edi Rama. Opnioni publik në vend është përfshirë nga debati mbi dyshimet se Rama e ka paguar ish-agjentin përmes dy lobistëve 225 mijë dollarë për të dëmtuar opozitëm.

Por kush është McGonigal dhe cilat janë lidhjet me rusët?

Charles McGonigal iu bashkua FBI-së në vitin 1996 dhe u ngjit shpejt në grada. Në vitin 2016, drejtori i atëhershëm i FBI-së, James Comey e emëroi McGonigal si kreun e Divizionit të Kundërzbulimit të agjencisë, me qendër jashtë zyrës së qytetit të Nju Jorkut.

McGonigal ishte i përfshirë në disa nga çështjet e profilit më të lartë të trajtuara nga agjencia gjatë mandatit të tij. Në vitin 2010, McGonigal ai si kreu i Task Forcës ËikiLeaks të FBI-së, duke ndërtuar çështjen që përfundimisht çoi në arrestimin e sinjalizuesit dhe aktivistes Chelsea Manning.

Në 2014-ën, McGonigal u promovua si ndihmës agjent special i ngarkuar me programet Kibernetike, Kundërzbulimit, Kundërpërhapjes dhe Spiunazhit të Zyrës së Fushës së Baltimores.

Nga hetimet ka rezultuar se pas largimit nga FBI në 2019, McGonigal filloi të bashkëpunonte ngushtë me Deripaska, duke u përpjekur t’i hiqte sanksionet biznesmenit rus.

Ai u takua me oligarkun rus në shtëpitë e tij në Londër dhe Vjenë. Në vitet që pasuan, prokurorët pretendojnë se McGonigal bëri kmplot për të shkelur sanksionet e SHBA-së dhe se ai “me dashje mori disa fonde, mallra dhe shërbime”.

Pranimi i kontributeve të tilla ishte i paligjshëm sepse oligarku rus ishte renditur si një “person i caktuar posaçërisht” si pjesë e paketës së sanksioneve të SHBA.

 

Të fundit