Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Ekspertët e IT: Tik-Tok nuk do të mbyllet, kompania pritet të ndryshojë politikat e përdoruesve në Shqipëri

Politiko 23 Janar 2025, 18:09

Ekspertët e IT: Tik-Tok nuk do të mbyllet, kompania pritet të

Kryeministri Edi Rama njoftoi mundësinë e mbylljes së TikTok në Shqipëri, duke vendosur një afat deri në fund të janarit.

Megjithatë, fundi i muajit po afron dhe platforma ende është në funksion.

Ekspertët e Teknologjisë, Arbër Ormeni, Mateo Doda dhe Kejsi Voskopi nga MCN, analizuan arsyet pse kjo platformë nuk do të mbyllet, duke theksuar se më shumë mundësi sipas një marrëveshje është që kompania të ndryshojë politikat e përdoruesve në Shqipëri, përfshirë verifikimin e moshës dhe heqjen e profileve të falsifikuara.

Arbër Ormeni:
Ashtu siç tha kryeministri, nëse do ta mbyllte, do ta mbyllte për një vit.

Por më herët ai mori këtë vendim pa u konsultuar me kompaninë, ndërkohë që tani ka pasur konsultime dhe kërkesat janë shumë të thjeshta për t'u realizuar, siç janë verifikimi i profileve të falsifikuara dhe moshës së përdoruesve, pasi pjesa më e madhe e tyre është shumë e re.

Mendoj se Rama ka gjetur një zgjidhje me TikTok dhe nuk besoj se do të mbyllet. Po ashtu, është e vështirë që Shqipëria të ketë ndikim në një kompani kaq globale.
Kejsi Voskopi:
Mendoj se mbyllja e TikTok është e vështirë, madje edhe shtete të fuqishme si Amerika kanë pasur probleme me këtë platformë.

Nëse do të mbyllej, mendoj se është më e arsyeshme të gjendet një kompromis.

Qeveria shqiptare mund të parashtrojë kërkesat e saj dhe TikTok mund të bëjë disa lëshime, si për shembull, verifikimin e moshës dhe parandalimin e fenomeneve negative si bullizmi.

Edhe nëse mbyllet, përdoruesit do të kalojnë në platforma të tjera, që do të krijojnë po ato probleme.
Mateo Doda:
Debati për mbylljen e TikTok ka qenë një nga më të nxehtët në javët e fundit.

Takimi i fundit mes kryeministrit dhe përfaqësuesit të TikTok për Evropën nuk ka zbuluar detaje konkrete, por është diskutuar mundësia për të ndryshuar politikat e TikTok në Shqipëri.

Sipas agjencisë së lajmeve franceze, kjo mund të çojë në një marrëveshje ku kompania do të sigurojë verifikimin e moshës dhe mund të ketë edhe rregullatore për përmbajtjen që shfaqet në Shqipëri.

Të fundit