Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Emergjenca energjetike, eksperti rendit 3 faktorët që sollën krizën: Nuk e shmangim dot

Politiko 12 Tetor 2021, 10:45

Emergjenca energjetike, eksperti rendit 3 faktorët që sollën

Shpallja e emergjencës energjetike shkaktoi jo pak polemika në opinionin publik dhe më gjerë. Ekspertët dhe analistët u shfaqën kundër emergjencës, me argumentin se vendi ynë ka mjaftueshëm rezerva për të përballuar një krizë të mundshme.

Eksperti i ekonomisë Adrian Civici i ftuar në emisionin”Ditar” në A2 CNN, renditi 3 nga faktorët që mund të kenë sjellë një krizë energjetike në Shqipëri.

“Në nivelin ndërkombëtar mendoj se kanë qenë 3 faktorë strukturorë që kanë ndikuar. Së pari, periudha pas krizës së pandemisë. Kërkesat për energji, naftë dhe gaz u rritën shumë sepse industria mori një hov shumë të madh. Nga ana tjetër, edhe problemet klimaterike në Europë dhe në Rusi, që janë dhe vende tipike eksportuese dhe përdoruese, vera e nxehtë dhe dimri i ftohtë e rritën ndjeshëm kërkesën për naftë dhe gaz. Por, edhe kapacitet prodhuese të tyre, që lidhen me elemente gjeopolitike me gazsjellësit midis Rusisë dhe Europës apo edhe vendimet e OPEC-ut për ta shtuar menjëherë sasinë e naftës në treg apo energjinë elektrike, ndikuan në rritjen e çmimit. Kur krijohen situata paniku, çmimi rritet edhe më shumë,” u shpreh Civici.

Civici tha se në kushtet aktuale, masat e marra nuk e ndihmojnë vendin të përballojë një krizë në 6 muajt e ardhshëm.

“Në afat të shkurtër nuk e shmangim dot, pasi këto masa që do të marrim tani janë masa me natyrë strukturore. Është si koronavirusi. Këtë krizë mund ta përballonim më lehtë nëse do të ishim në një tjetër situatë,” tha Civici.

Të fundit