Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Emigrantët shqiptarë shqetësojnë seriozisht Britaninë, ambasadori thërret në takim Gledis Nanon. Diskutimet

Politiko 13 Gusht 2022, 08:47

Emigrantët shqiptarë shqetësojnë seriozisht Britaninë,

Emigrantët shqiptarë kanë shqetësuar seriozisht autoritetet britanike. Kjo ka vënë në lëvizje edhe trupin diplomatik të Mbretërisë së Bashkuar në Shqipëri.

Ambasadori Alastair King-Smith ka zhvilluar një takim me drejtorin e Përgjithshëm të Policisë Shqiptare, Gledis Nano.

Në njoftimin zyrtar, ambasada bën me dije se ata ranë dakord për të vepruar sa më shpejt në përgjigje të kriminelëve që po shfrytëzojnë të rinjtë shqiptarë që po udhëtojnë drejt Mbretërisë së Bashkuar në mënyrë të paligjshme.

“Shprehëm vendosmërinë e përbashkët për të ndaluar fluksin e emigrantëve të paligjshëm drejt Mbretërisë së Bashkuar dhe Evropës. Diskutuam realitetin që i pret të gjithë ata që mbërrijnë në brigjet e Mbretërisë së Bashkuar.

Emigrantët e paligjshëm nuk mund të sigurojnë punë të ligjshme. Së shpejti do të kthehen në Shqipëri dhe nuk do të jenë në gjendje të udhëtojnë kurrë më në Mbretërinë e Bashkuar.

Të gjithë ata persona dhe familjarët e tyre që mund të jenë të tunduar të udhëtojnë drejt Britanisë nuk duhet të bien pre e propagandës së krimit”, thotë Alastair King-Smith. 

Pra personat që kthehen nuk do kenë më mundësi të udhëtojnë në MB. Përgjatë vitit të fundit janë kthyer rreth 1 mijë shqiptarë, të dënuar për krime të ndryshme dhe nga ata që shkojnë në rrugë ilegale.

Rreth 40% e emigrantëve që shkojnë ilegalisht në Britani janë shqiptarë. Mediat britanike prej ditësh kanë ngritur shqetësimin e këtyre kalimeve përmes “La Manshit”. Shqiptarët, thonë ato, ndihmohen nga bandat, ndërsa çmimi për të shkuar në Britani ka rënë deri në 2 mijë paund.

Të fundit