Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Ende në kërkim nga policia, dënohet me burgim të përjetshëm vrasësi i Griselda Gjikolajt

Politiko 11 Maj 2021, 12:51

Ende në kërkim nga policia, dënohet me burgim të

Gjykata e Tiranës ka dënuar me burgim të përjetshëm Robert Përpepajn, i cili vrau me armë zjarri Griselda Gjikolajn 17 vjeçe asokohe. 

Bëhet fjalë për ngjarjen e ndodhur më 26 dhjetor të 2018, në zonën e Laprakës ku Robert Përpepaj e qëlloi me dy plumba në kokë Griselda Gjikolajn. Autori prej disa kohësh e përndiqte sistematikisht 17-vjeçaren dhe ishte kthyer në shqetësim për të. Robert Përpepaj vazhdon të jetë ende në kërkim nga policia.

Ndërsa, Ronald Muzhaqi,i cili ka ndihmuar autorin, është dënuar me 23 vite burgim. Muzhaqi aktualisht është i arrestuar.

Në ngjarjen e ndodhur tre vite më parë, mbeti i plagosur dhe Erjon Benga, miku i të fejuarit të Gjikolajt, Samir H. 10 ditë përpara krimit, i fejuari i 17-vjeçares dhe shoku i tij Erjon Benga, ishin konfliktuar në Laprakë me Robert Përpepajn. Benga i kishte kërkuar atij që të mos e ngacmonte Griseldën, por Përpepaj i ishte përgjigj se “është çun e mund të ngacmojë çdo vajze”. Në debat e sipër Erion Benga e kishte qëlluar me shpullë të riun me origjinë nga Tropoja. Prej atij momenti Roberti nuk është u bë i gjallë, deri mbrëmjen e 26 dhjetorit 2018 kur edhe ndodhi krimi i rëndë.

Atë natë, Griselda kishte dalë më të fejuarin, mikun e tij Erion Benga dhe një shoqe të saj në një nga lokalet e zonës. Rreth orës 18.05 minuta, ata kanë lanë lokalin dhe u drejtuan për tek makina tip Mercedez Benz model E-class, ne pronësi të Erion Bengos. Menjëherë sapo makina nisi lëvizjen, sipas dëshmisë së 26-vjeçarit Benga, dy persona i prenë rrugën dhe nisën të godasin automjetin. Ai ka tentuar të largohet duke shtuar shpejtësinë. Brenda pak sekondash, Përpepaj ka dalë në anën e majtë të makinës dhe ka qëlluar me dy plumba në kokë 17-vjeçaren.

Plumbat kanë kapur edhe Erion Bengajn. Referuar dëshmive, rezulton se Ronald Muzhaqi, ka vijuar të godasë automjetin, nga ana ku ishte ulur Samiri, i fejuari i viktimës. Për fat të mirë, ai dhe mikesha e ngushtë e vajzës, nuk u prekën nga plumbat.

Të fundit