Erdogan vizitë në Shqipëri nën masa të rrepta sigurie dhe shërbimin sekret turk, axhenda dhe rrugët që do të bllokohen

Presidenti i Turqisë, Recep Tayyip Erdogan do të zhvillojë sot në Shqipëri një vizitë zyrtare. Ai pritet të mbërrijë në aeroportin ndërkombëtar ‘Nënë Tereza’ rreth orës 09.00, ku do të pritet me ceremoni shtetërore nga kryeministri Edi Rama.

Vizita e Erdogan përkon me 554-vjetorin e vdekjes së heroit kombëtar, Gjergj Kastriot Skënderbeut. Kjo ka shkaktuar reagime në opinionin publik, ku shumë zëra e kanë cilësuar të qëllimte vizitën e presidentit turk në këtë datë.

Më pas Erdogan do të niset drejt Laçit, ku në orën 10.05 pritet të zhvillohet ceremonia e dorëzimit të shtëpive të ndërtuara pas tërmetit në Laç. Ai do të mbajë dhe fjalën e tij gjatë kësaj ceremonie.

Në orën 11.30 është parashikuar vizita e Erdogan në shtëpinë e një familjeje në Laç, ndërsa në 11.45 do të mbahet ceremonia e emërtimit të sheshit në Laç me emrin e presidentit turk. 

Rreth orës 13.00, Erdogan do të mbërrijë në Tiranë, ku do të zhvillojë një takim me kryeministrin Edi Rama. Në orën 16.00 do të zhvillohet ceremonia e inaugurimit të shamisë së Et'hem Beut, ndërsa në 17.00, Erdogan do të mbajë një fjalë në Kuvendin e Shqipërisë. Më pas do të largohet drejt Turqisë.

Vizita e Erdogan do të shoqërohet me masa të rrepta sigurie. Përveç policisë, gardës dhe RENEA-s, në Shqipëri kanë mbërritur edhe efektivë dhe punonjës së shërbimit sekret turk.

Gjithashtu do të bllokohen edhe një sërë aksesh rrugore:

• Në rrugën nga aeroporti i Rinasit deri tek ‘Ura e Gjoles’ dhe anasjelltas duke filluar nga ora 08:30 deri në orën 10:00.

• Në rrugën Vorë-Ura e Gjoles dhe anasjelltas duke filluar nga ora 08:30 deri në orën 10:00.

• Në rrugën Rinas-Ura e Gjoles dhe anasjelltas duke filluar nga ora 11:00 deri në orën 13:00.

• Në rrugën Vorë-Rinas, ura e Gjoles-Rinas dhe anasjelltas nga ora 11:00-13:00.

• Në autostradën Durrës-Tiranë dhe Tiranë-Durrës duke filluar nga ora 11:00-13:00.

• Në unazën e re dhe vazhdimin e Unazës së Madhe, duke filluar nga nënkalimi i qendrës tregtare Casa Italia-ish sheshi Shqiponja-Rruga ‘Teodor Keko’, në te dy kahet e saj si në hyrje dhe dalje nga Tirana, duke filluar nga ora 11:00-13:30 do ketë bllokim te qarkullimit për të gjitha mjetet.

• Në unazën e madhe nga mbikalimi i Fabrikës së Miellit deri tek rrethrrotullimi qe te çon në Sanatorium do ketë bllokim te lëvizjes në të dy kahet e unazës duke filluar nga ora 11:00 deri në orën 13:30.

• Në rrugën Interurbane kryesore Elbasan-Tirane dhe të gjitha rrugët e tjera dalëse për në unazën e madhe dhe me drejtim qytetin e Tiranës, do ketë gjithashtu bllokime të lëvizjes për të gjitha mjetet duke filluar nga ora 11:00 deri në oren 13:30.

• Në rrugën e Elbasanit, rrugën 3 ‘Vëllezërit Kondi’, rrugën ‘Arben Broci’, rrugën ‘Faik Konica’, rrugën ‘Dervish Hima’, rrugën ‘Asim Zeneli’, rrugën ‘Qamil Guranjaku’, rrugën ‘Ismail Qemali’, rrugën ‘Papa Gjon Pali II’, Blv. ‘Dëshmorët e Kombit’, do ketë bllokim të qarkullimit për të gjitha mjetet duke filluar nga ora 11:00 deri në orën 13:30.

• Në Blv. ‘Dëshmorët e Kombit’, rrugën e Toptanëve, rrugën ‘Xhorxh Ë Bush’, Blv. ‘Zhan D’ark’, Blv. ‘Bajram Curri’, rrugën ‘Myslym Shyri’, rrugën 28 ‘Nëntori’ do ketë bllokime të lëvizjes për të gjitha mjetet duke filluar nga ora 14:30 deri në orën 16:30.

• Në rrugën e Toptanëve, rrugën ‘Xhorxh Ë Bush’, Blv. ‘Zhan D’ark’, rrugën e Elbasanit dhe Blv. ‘Bajram Curri’, do ketë bllokim dhe kufizime të lëvizjes për të gjitha mjetet nga ora 16:30 deri në orën 18:00.

• Gjithashtu nga ora 17:30 deri në orën 18:30, do ketë bllokim të lëvizjes për të gjitha mjetet në hyrje dhe dalje për në rrugën e Elbasanit, unazën e madhe, rrugën Teodor Keko, autostradën Tiranë-Durrës dhe Durrës-Tiranë, Vore-Rinas, ura e Gjoles-Rinas.

• Gjithashtu nuk do lejohet pushimi dhe qëndrimi i asnjë mjeti, përfshi edhe TAXI apo mjetet e subjekteve që kanë parkime të rezervuara në rrugët si më poshtë vijojnë, përjashto mjetet e emergjencave dhe ato te policisë se shtetit, në rrugën Rinas-ura e Gjoles, ura e Gjoles-Rinas-Qafe Kashar, autostrada Qafe Kashari-Tirane dhe anasjelltas, rruga ‘Teodor Keko’, Unaza e Madhe, rruga e ‘Elbasanit’, rruga ‘Ismail Qemal’i, Blv. ‘Dëshmorët e Kombit’, rruga e Toptaneve, rruga Xhorxh Ë Bush si dhe rrugë te tjera që afektohen nga kufizimet për qëllime sigurie në rrugëkalimin e Delegacionit të Presidentit Turk.