Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

E-TJERA

Media amerikane/ Eric Adams në Shqipëri, Kryebashkiaku i akuzuar i Nju Jorkut në takime me 'të ngjashmin' Edi Rama

Politiko 10 Tetor 2025, 17:06
Media amerikane/ Eric Adams në Shqipëri, Kryebashkiaku i akuzuar i Nju

Kryebashkiaku i Nju Jorkut, Eric Adams, ka qenë së fundmi në Shqipëri, duke shfrytëzuar javët e fundit të mandatit të tij për të promovuar biznesin dhe turizmin e qytetit të tij në rënie përballë kryeministrit Edi Rama.
Sipas revistës amerikane Chronicles Magazine, së cilës i referohet Politiko.al, dyshja Adams–Rama “bën një çift të përshtatshëm”, për shkak të profilit të tyre të përbashkët si figura të përfshira në hetime të profilit të lartë në Shtetet e Bashkuara.

Dy figura nën hijen e FBI-së
Siç kujton Chronicles Magazine, Adams është i vetmi kryebashkiak në detyrë i Nju Jorkut që është akuzuar ndonjëherë penalisht, pas një hetimi të FBI-së mbi marrëdhënie financiare me burime të huaja.
Ndërkohë, Rama ishte një figurë e përmendur në hetimin e FBI-së ndaj ish-shefit të kundërzbulimit Charles McGonigal, i cili aktualisht po vuan gjashtë vjet e gjysmë burg për fshehjen e pagesave të marra nga një zyrtar i inteligjencës shqiptare.

Nga Nju Jorku në Tiranë, me një dosje në kurriz
Në fotot zyrtare nga Tirana, Adams shfaqet i qeshur pranë Ramës, por në Nju Jork ai kishte pak arsye për të buzëqeshur.
Më 28 shtator, ai shpalli tërheqjen nga gara e pavarur për rizgjedhje, duke përmendur “spekulimet e pandërprera mediatike” mbi të ardhmen e tij.
Sipas Chronicles, sondazhet për Adams ishin rrëzuar në niveli njëshifror, ndërsa qarkullonin zëra për një marrëveshje të heshtur me administratën Trump.

Trump, Cuomo dhe prapaskenat e politikës
Chronicles Magazine shkruan se Departamenti i Drejtësisë i administratës Trump, i cili në prill kishte anuluar aktakuzën federale ndaj Adams, po përpiqej të bindte si Adamsin, ashtu edhe kandidatin republikan Curtis Sliwa të tërhiqeshin nga gara.
Kjo, sipas revistës, do t’i hapte rrugë ish-guvernatorit Andrew Cuomo, që kandidon si i pavarur, për të bashkuar votat e opozitës dhe për të sfiduar kandidatin demokrat të krahut të majtë, Zohran Mamdani.

Sliwa ka mohuar çdo kontakt me administratën dhe ka deklaruar se nuk do të tërhiqet nga gara.
Adams, nga ana tjetër, ka pranuar se ka qenë në kontakt me përfaqësues të administratës, por nuk ka dhënë hollësi për përmbajtjen e bisedimeve.
Sipas disa burimeve të cituara nga Chronicles Magazine, atij mund t’i jetë ofruar një post diplomatik, ndoshta ambasador në Arabinë Saudite.

Të fundit