Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Çështja “Beleri”, media greke: Athina vendosi bllokadën e parë ndaj Shqipërisë në rrugën e integrimit

Politiko 11 Nëntor 2023, 15:57

Çështja “Beleri”, media greke: Athina vendosi

Çështja e Fredi Belerit është kthyer në një problem për Shqipërinë, pas thirrjeve të vazhdueshme që Greqia i ka bërë Tiranës zyrtare, për të liruar dhe lejuar betimin e kryebashkiakut të zgjedhur të Himarës më 14 maj.

Së fundmi, gazeta greke “Kathimerini” shkruan se tashmë Athina ka vendosur bllokadën e parë për Shqipërinë. Greqia nuk ka rënë dakord për një letër të përbashkët të 27 vendeve anëtare të Bashkimit Evropian drejtuar Shqipërisë për hapjen e negociatave të paketës së parë të kapitujve të anëtarësimit.

Kjo sipas medias greke, përbën një përshkallëzim thelbësor të qëndrimit të ashpër ndaj Tiranës për shkak të shkeljes së vazhdueshme të të drejtave të Belerit.

Ndërsa u gjet një rrugë përpara për negociatat për këtë kapitull me Maqedoninë e Veriut, sepse Bullgaria ra dakord me kompromisin e ofruar nga presidenca spanjolle, kjo nuk vlente për Shqipërinë.

Përveç ndikimit që ka pasur qëndrimi i qeverisë së kryeministrit Rama në çështjen Beleri në lidhjet greko-shqiptare, ky zhvillim në mënyrë efektive shkëput dy fushatat e Maqedonisë së Veriut dhe Shqipërisë, të cilat deri më tani ishin të lidhura.

Grupi i parë i çështjeve themelore që çdo vend kandidat duhet të zgjidhë përfshihet në pesë kapituj që kanë të bëjnë me: autoritetin gjyqësor dhe të drejtat themelore; gjyqësori, liria dhe siguria; prokurimi publik; statistika; dhe kontrollin financiar.

Athina mund të rishqyrtojë qëndrimin e saj nëse Tirana merr hapa për të sugjeruar se ka vend për diskutim. Athina ka kërkuar në të gjitha nivelet e mundshme që Belerit t'i jepet mundësia për t'u betuar si kryetar i Bashkisë së Himarës, gjë që deri tani është kundërshtuar nga gjykatat shqiptare.

Më 22 nëntor do të zhvillohet seanca e radhës e gjykatës së korrupsionit ku Beleri po gjykohet për akuzën e blerjes së votës, por ndërkohë pritet të caktohet seanca e re për lejen speciale që ai kërkon për betimin.

Të fundit