Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E-TJERA

Çështja e TK/ Shoqata “Impetus” padi në 'Administrative', kërkon mbështetje nga Presidenti dhe KLSH

Politiko 22 Shtator 2021, 08:43

Çështja e TK/ Shoqata “Impetus” padi në

Shoqata “Impetus” me drejtues Gjergj Bojaxhiun i ka dërguar një letër të hapur Presidentit të Republikës dhe Kontrollit të Lartë të Shtetit, ku iu kërkon mbështetje për një padi të dorëzuar në Gjykatën Administrative lidhur me çështjen e prishjes së Teatrit Kombëtar.

Përveç çështjes në Gjykatën Kushtetuese për godinat, paralelisht po zhvillohet edhe një çështje tjetër për Teatrin Kombëtar në Gjykatën Administrative me paditës shoqatën “Impetus”.

Kjo çështje është hapur në verën e vitit 2020 dhe ishte në pritje të vendimit që do të merrte Gjykata Kushtetuese. Shoqata “Impetus” thirri si palë të treta edhe Presidentin e Republikës dhe Kontrollin e Lartë të Shtetit për të marrë mbështetje prej tyre.

Menjëherë pas vendimit të Gjyaktës Kushtetuese, kjo shoqatë dërgoi një letër këtyre dy institucioneve, duke ngritur shqetësimin se vendimi i Gjykatës Kushtetuese nuk e zgjidhi çështjen dhe se ka një shanc kundër vendimit të Këshillit Bashkiak që prishi Teatrin.

Shoqata bën me dije se Presidenti i Republikës dhe KLSH nuk i janë përgjigjur ende ftesës për bashkëpunim, ndërkohë që kanë mbetur vetëm 2 ditë kohë për reflektim.

Ndërsa ka renditur argumentat ligjore, Shoqata “Impetus” thotë se çështja e Teatrit Kombëtar nuk mori asnjë zgjidhje reale nga Gjykata Kushtetuese ose një fitore fasadë, siç e quan ajo.

Në këto kushte thekson se mundësia e vetme për zgjidhjen teknike të çështjes mbetet procesi gjyqësor në Gjykatën Administrative, ku ka depozituar padi.

Shoqata kërkon ndihmën e presidentit dhe Kontrollit të Lartë të Shtetit, duke theksuar se është në pozicion të vështirë juridik në këtë proces, për shkak se të gjitha palët deri tani janë kundër, qeveria, bashkia dhe bizneset që kanë interesa për ndërtimin e godinës së re.

"Ju kërkojmë që të reflektoni edhe një herë të fundit, kur tashmë na ndajnë vetëm 48 orë nga seanca gjyqësore e planifikuar. Ishte pikërisht besimi që kishim te këto Institucione si të vetmet në zinxhirin e organeve shtetërore që ishin shprehur kundër prishjes së teatrit.

Nëse nuk e keni vullnetin për ta ndjekur më këtë çështje, ose, nëse jeni të bindur që çështja është zgjidhur plotësisht nga Gjykata Kushtetuese, atëherë ne do të tërhiqemi nga kjo përpjekje. Nuk mund dhe nuk duhet të jetë interesi i Teatrit Kombëtar i përfaqësuar nga vetëm një shoqatë kundër të gjithëve, sidomos kur vendimi i Gjykatës Kushtetuese ka vështirësuar gjithçka, si dhe kur jetojmë në kohëra të vështira për vetë gjyqësorin", thuhet ndër të tjera në letër.